كيكة بالكريم وبالصور المفصلة

اخواتي الانيقات كيف حالكن ؟
اتمنى من الله ان تكونوا في صحة جيدة. المهم اليوم جبت ليكم تطبيقي ديال واحد الكيكة بالكري اتمنى ان تنال اعجابكن لنبدا بسم الله …
المقادير لتحضير الجينواز

1زلافة نعبروا بها البيض
1زلافة سنيدة
1زلافة دقيق
نصف خمارة حمراء
قشرة حامضة او 1لفاني او روح البنان.

للتزيين .. 1ساشي ديال لكريم شانتي

1كاس كبير حليب بارد او ربع لتر
ناباج….الفواكه المعسلة…

اللوز مقطع بالموس ومحمر

كنحضر الكريم شانتي مع الكاس ديال الحليب

كنقطع الجينواز على اثنان ثم نسقيوها بالناباج مخلط بشوية ديال الماء على نار هادئة ونسقيو بها الكيكة ثم نضع نصف الكريم ونضع فوقهم الفواكه المعسلة وقطع من الفواكه انا درت البنان

ندهن الجوانب ونزينهم باللوز محمر

[IMG] [/IMG]
ومن الفوق نزين بالفواكه المعسلة

و في الاخير نزين كل حسب ذوقه انا زوقتها بالشكلاط مذوب

كنتمنى تعجبكم وتنال رضاكم لان هذه اول مرة ننزل تطبيق لشي حلوة…اتمنى ان تكون كل ايامنا وايامكم حلوة فحلوة.

;d;m fhg;vdl ,fhgw,v hgltwgm>>>>>>>>>> hgltwgm