كيكة بالجزر والكركاع

هده الكيكة كنت هده مدة ملي حطيتها في قسم العراضات واليوم عادا

كتاب نزلها هنا هههه

اوا بلا منطول عليكم ،نبداو على بركة الله

100g كركاع مهرمش

250g خيزو محكوك

قبصة ملح

260g دقيق

1 م ص بيكاربوناد الصودا

2 خمارة الحلوى

4 بيض

1/2 م ص قرفة

1/4 م ص سكين جبير

300g سكر

1 كاس زيت

1 لفاني

كنحكو خيزو بعدما نكونو قشرناه

كنخلطو المواد الجافة:دقيق،قبصة ملح،سكين جبير وبيكاربوناد الصودا ونخليوهم على جنب

كنخفقو البيض مع السكر ولفاني حتى يبياض اللون ديالو

ونضيفو الزيت

والمواد الجافة دائما مع الخلط

وفي الاخير خيزو

والكركاع(انا كنحمرو شوي قبل منضيفو)

كنفرغو الخليط ديالنا في مول مدهون ومرشوش بالدقيق وندخلوه فرن 180د حتى يطيب

منين يطيب نخليوه يبرد ونزينوه حسب الدوق

انا درتلو كلاصاج وزينتو بانصاف نتاع الكركاع

;d;m fhg[.v ,hg;v;hu lhahx hggi hggi ugn