كيكة بالإجاص معسل

يومكم سعيد حبيباتي أتمنى تكون في أحسن الاحوال وكل أموركم تمام

المقادير : 100 غ زبدة دايبة + 200 غ سكر لي بغي الحلاوة يزيد 50 غ + 4 أصفر بيض +250 غ دقيق + كاس دالحليب+ 1 خميرة بيضا أو 3 خميرة حمرا + فاني

مقادير الإجاص : 4 حبات إجاص مقشرين وقطعين شرائح + م ك زبدة ننقصها من الزبدة د الكيك + عصير نصف حامضة + شوية قرفة + م ك سكر

طريقة تعسيل الإجاص : نعمل شرائح الإجاص في مقلاة مع باقي المقادير ونعسلهم ونحتافض بالعصير الناجم عن التعسيل

طريقة الكيك : نطرب البيض والسكر ونضيف عليهم الزبدة مع التطراب ثم نضيف الحليب والفاني والدقيق والخميرة

نعمل الخليط في المول مدهون بالزبدة ومرشوش بالدقيق ونستف شرائح الإجاص وندخلها للفران

كيف نخرجها من الفران ندهنها بالسيرو لي احتفضت بيه من تعسيل الإجاص

وهاهي واجدة بالصحة والراحة

عواشركم مبروكة تقبل لله طعاتكم