كيكة القلب

مقادير الجينواز:
8 بيضات
14 مغارف سكر
12 مغارف دقيق
4 مغارف نشا
قرصة ملح
2 خمارة

مقادير السيرو:
كاس سكر
كاس ماء
عصير فواكه(اي فاكهة تحبوها انا عملت عصير الفراولة)

مقادير التزيين
كريم شانتي
كوكاو مدشدش

التحضير
نخفق البيض مع السكرو الملح بالخلاط بسرعة حتى يصير لونو ابيض
ننخل الدقيق مع النشا ونبداو نضيفوه بشوية الى خليط البيض واللسكر ونقلبو من فوق لتحت بملعة خشب حتى ما نكسروهش
نديرو ورق الزبدة في صينية دائرية ونفرغو الخليط انا قسمت الخليط على 2 يعني طيبت مرتين جاوني 2 تاع جينواز
ديريه في فرن مسخن ومين تدخلي الجينواز تنقصي الحرارة الى 200 او 180 درجة تخليها تصيبحتى يتضاعف حجمها حوالي 3 مرات
والديكور انا قسمت كل جينواز على 2 يعني صارو عندي 4 طبقات سقيت كل طبقة بالسيرو ودرت طبقة من الشانتي وفي الجوانب درت شانتي والكوكاو ومن فوق زينت ايضا بالكريمة يعني كل وحدة كيفاش تحب تزين الكيكة .

تحياتــــــــــــــــــــــــــــــــــي