كيكة السميد ديالي

أنا دايما مع الكيكة ديال بيضة وحدة ههههه، تتكفينا أنا وراجلي وولدي لحمد لله، يعني على قدنا ههه، تتجي لذيذة وبنينة يمي يمي
دبا نخليكم مع

بيضة
كاس صغير سنيدة
كاس صغير زيت
كاس صغير كوك
كاس صغير حليب
كاس صغير دقيق
كاس دانون
2 كيسان ونصف سميدة رقيقة
قشور حامضة
2 خميرة

كنضرب البيض والسنيدة والزيت والحليب ودانون الخلاط مزياااااان . تنخوي الخليط فإناء وتنضيف عليه الكوك والدقيق والخميرة والسميد
منين طابت سقيتها بالسيرو، درت معلقة كبيرة د لكونفتير مع شوية الماء فوق البوطة سخنو شوية، وسقيتها من لفوق وزينتها بالكوك وهاهو الشكل النهائي ديالها

شي دعيوة ديال الخير من عندكم الله يخليكم

---

;d;m hgsld] ]dhgd hg.gd[

تبارك الله عليك أختي سوسنة
كيكة كاتشاهي ماشاء الله
الله يعطيك صحة
أنا لولا دخلت راني خذيت حقي هههههههه
الله احفض ليك كتكوت و تشوفيه كيما بغيتي إن شاء الله

الله يصلحك ويبارك فيك ويحفظ لك ولدك يارب
ماشاء الله
مسموح طريف

الله يعطيك الصحة ، والله يخلي ليك دوك ليدين لي يديرو الفن ، أنا دابا نجربها ونرد عليك الخبار ، راه راجلي قالي مليت ديك الكيكة ديال الشكلاط لي ديري هههههههههههههههههه

حبيبة فردوس الله يبارك فيك
والله بجازيك بخير على الدعواة الطيبة ديالك
دايما منوراني الله ينوورك

آآآآآآمين يا أم الصالحين، ربي يحفظك لينا
ويحفظ ليك ل عزيز
على راسي وعينيا الحبيبة كلشي ديالك
وتستاهلي كل خير

لحبيبة نبع الحنان، الله يحفظك ويبارك فيك الزين
دائما منوراني الله يفرحك
جربيها غتعجبك ان شاء الله

تبارك الله عليك أختي الله يجازيك بخير
جاتك رائعة
ممكن تصوري لي الكاس لتتعبري بيه

بسم الله ما شاء الله تبارك الله عليك كيكة غزالة الله يعطيك الصحة

ربي يخليك أختي
إيييه على راسي وعينيا
هاهو صورتو على قبلك