كيف عامل نظم الاكل عند الحوامل؟؟؟؟ عتقوووووووووووووووووني .

باسم الله الرحمان الرحيم

الله يجازيكم بخير انا اول مرة كنحمل ويالله فالبداية ديالي ديال الحمل وبغيت الي عندها خبرة تفيدني فما يخص اكل الحوامل

يعني : الفطور والغداء والعشاء كل واحد بالتفاصيل

راني حطيت موضوع لكن للاسف مزال مالقيت تجاوب

هاهو الرابط: https://echorouk.dzbatna.com/#239697&highlight=

جزاكن الله خيرا

---

;dt uhlg k/l hgh;g uk] hgp,hlg???? ujr,,,,,,,,,,,,,,,,,kd>>> uhgl ujr,,,,,,,,,,,,,,,,,kd kul

اختي لمياء ها أول مشاركة معاك

حتى انا أول حمل ليا و بوحدي مع راجلي فالغربة يعني ملي عرفت بالحمل قلت معا راسي ايوة الله يجعلنا قد المسؤولية من دبا … الماكلة المتوازنة ضرورية خصوصا انا عندي فقر الدم و ما باغاش نظلم البيبي معايا

ايوة هدا برنامجي البسيط

الفطور: فيه البروتينات من الحليب و البيض و الفيتامين ديال الفاكهة
-1 بيضة مسلوقة لأنها اسهل فالهضم من الاومليط
-خبز مع فرماج أو زبدة اللي كاين من مشتقات الحليب
-1 كاس كبير حليب + 1 ملعقة عسل
-1 كاس عصير أو فاكهة

ما بين الوجبات: 10 د الصباح أو وقيتة الكاسكروط
-فواكه مجففة تمر لوز زبيب هادو الافضل و عاد اللي متوفر مزيان
-1 كاس حليب كبير او لبن
-فاكهة طرية

الغداء: بروتين و حديد ضروري
– نبدا بالفاكهة على معدة خاوية لأنها كا تتهضم أحسن
– طاجين عادي لحم أو دجاج + خضيرة
– عدس يا إما حريرة أو شلاظة / أو فاصوليا بيضاء/ سبانخ مصلوقين / أو طريف ديال الكبدة يا د العجل يا ديال الدجاج هادو كلهم غنيين بالحديد
-1 جزرة أو ماطيشة أو أي خضرة طرية ما طايباش لأني ما كا نصاوبش شلاظة راجلي ما كا يبغيهاش ههه

العشاء
– بحال الغداء لأن عادة نتعشاو ببقايا الغداء هههه
– 1 حبة من أقراص حمض الفوليك

فالاخير نصائح باش ما يجيكش هاد البرنامج غالي ماديا ههه
-مالين الدار خاصهم ما يدوروش ليك بماكلتك لأن حالتك استثنائية و خاص العناصر ديما يكونو فالكوزينة باش ما تعكزيش توجدي
-بالنسبة للكبدة طبعا غالية ما يمكنش كل ساعة تشري أيوة كا نشري طرف متوسط و كا نديرو شرائح رقاق و صغار و نثلجهم باش نجبد كل مرة شوية هكدا كا تدوم و راه طريف صغير جد كافي لواحد
– الفواكه الطرية والجافة ضروريين أيوة ردي البال الى كاين الدراري الصغار يدوزو ليها و يخليوك يدك و الصحراء :-]

ايوة هاد البرنامج مشيت عليه شي ايام و لكن هاد الاسبوع عاد بداني الوحم ديال المعقول مشات الشهية اللي كانت عندي و وليت مروعة 24 ساعة، كنت فالاول فرحانة و قلت سلكت وحمي ساهل و غادي نقدر ناكل مزيان على ود البيبي الساعة دبا عاد قالي اجي نوريك :-/

الله يسهل عليك ماصعاب الحبيبة

صراحة برنامج زوين وغني بزااف لكن المشكل الي عندي انا هو كثرة النوم فالصباح ماكنفيقش بكري يعني الى فطرت ماكنتغدى حتى العصر وحاجة اخرى هي انني كنعكز بزاف باش نحضر الماكلة

اما الوحم مزال ماشفتو غير شوية الدوخة مرة مرة

مشكورة الحبيبة "simsimah"
على المداخلة والافادة ديالك

تبارك الله عليك

الف الف مبروووووووك حبيبتي الله يتبت حملك ياااارب نتمنى اخوات يفيدوك

عليك باكل المواد اللي فيها كالسيومخ مزيان لك وللبيبي والاكل اللي فيه الحديد والفواكه وبعدي من المواد المصنعة ومن المشروبات الغازية والحار والله يثبت حملك على خير

اختي نكدب عليك العكز حاجة عادية هاد الايام لهدا مثلا الى صاوبتي حريرة العدس ديري بزايد و شربي منها يوماين … كدلك الطاجين طيبيه فالكوكوط طبعا و صاوبي قياس غداء+ عشاء ماشي كل ساعة واقفة و كاين كاع اللي يصاوب ماكلة يوماين أو 3 فالفريكو و عندهم الصح اللهم تاكلي البايت ولا تعكزي كاع طيبي.

ملي قلتي الى فطرتي ما كا تتغدايش : جربي التفاح أو الجزر (خضر ما طايبش) راهم كا يهضمو و كا يجوعو شوية. أنا هاد الايام عاطياها غي للمسكة وخا ماشي صحية و لكن كا تفش ليا المعدة شوية !

و فالواقع أنا نيت بديت البرنامج غير أيام معدودة و حبستو دبا ما بقاتش الماكلة كا تدوز ليا غي المعدة مروعة على طول .. ان شاء الله تكون مرحلة و غادة تفوت و معولة ان شاء الله نرجع لهاد البرنامج تا يفوت هاد الوحم و نرجع طبيعية تاني لأن ملي يبدى الجنين يكبر كا نظن الشهية كا ترجع و حتى الاحتياجات ديالو كا تزاد

الله ييسر لك واحدة يا رب العالمين