كيف العادة أخواتي المشكل مع بنتي

السلام عليكم و رحمة الله و بركاته
أخواتي ط¨ظ†طھظٹ محقاني ليل كامل تتفيق هادي شي 3 أشهر أو أكثر مبقاتش ترجع تنعس إيلا ما رضعات و تقووووووووووووووولو ترجع تنعس المهم مرة تنقول مواكلاش مزيان مرة مريضة مرة تتنوض الضراس كل مرة ندير حجة باش نصبر راسي و لكن عييييييييييييييييييييييييييييييييييييييييت قلة النعاس قهراتني و فوق هادشي كااااااامل متتبغيش أصلا تنعس فلليل تتبان فيها النعاس ملي نحطها ففراشها تبدا تغوت و تنوض…………….
و عاد بنهار ظل تهرنن فينما نجلس تقولي هزيني أو عطيني إيلا معطيتهاش تمرغ في الارض
عافاكم لما عاونوني راه وليت تنهضر معاها نميك ناخذ بيديها تديني نشوف آش بغات تنتعامل معاها غير بالهدوء و الحيلة و واااااااااااااااااااااااااااالو حمقاتني و مول الدار بدا صبرو ينفذ الله يحسن العوان تيمشي يخدم الصباح بكري و هو متيشوفش النعاس فلليل اضطريت نمشي لبيت آخر واخا هكاك باقا نفس الحال غير هي صراحة ملي متباتوش مع أبيها في نفس الغرفة تتنقص الفياق بزااف و لكن ماشي تيختفي معرفتش واش تتغير

---

;dt hguh]m Ho,hjd hgla;g lu fkjd hgyhdm

شحال فعمرها اختي

آه نسيت هههههههه فعمرها عام و 5 أشهر

يكما تتعاني من شي حاجة الغازات او السنينات

اختي حاولي متخليهاش تنعس بنهار بزاف ماعدا قيلولة ديال نصف ساعة اوساعة بالاكتر وفالليل مع 10 طفي الضواو ديال الدار كاملة ونعسيها والى فاقت الى كنتي تترضعيها طبيعي سيري عندها بالزربة قبل متفي
ق وعطيها البزولة او الببرون حتى تتنعس

أختي راه بحال إلا كتكلمي على ولدي حتى هو عندو عام وخمس شهور وهو أصلا نعاسو مقطع وبدا كيتقاد ومؤخرا رجع بحال كيف كتعاودي على بنتك معصب ويبات الليل كامل ينتف في هههه ميعجبو يشدني غير من شعري يبدا يلعب فيه ومللي نحيدو ليه يدو يبدا يبكي وإلا مبغيتش نعطيه الحاجة يبدا يتمرغ في الأرض وهادشي معشتوش مع خوتو من قبل داكشي باش جاني غرييييب المهم كنحاول معاه وصافي باش ميولفش التهرنين والبكا وكنميك مللي كنشوفو كيتمرغ في الأرض لأن أنا متأكدة كيبغي غير يثير الانتباه وأهم حاجة نوصيك عليها متخضعيش للبكا وتبغي تهناي من الصداع وتعطيها الحاجة اللي بكات عليها بالعكس إما اعطيها الحاجة من الأول أو إلا قررتي متعطيهاش بقاي في قرارك وخا تبكي معندها مايوقع لها تبكي حتى تعيا وتسكت وباش تجنبي الموقف ديال راجلك مللي تكون في ديك الحالة هزيها وديها لبلاصة أخرى وحطيها وحاولي متهضريش معاها ومتشوفيش فيها حطيها وخرجي غير شوية وتلقايها تابعاك كتعاود نفس الطلب ولكن أقل من الأول أو كتطلب حاجة أخرى تما استغلي الوقت وبدلي الموضوع وهزيها وبوسيها واعطيها حاجة تكون عزيزة عليها باش تنسى الأولى اللي بكات عليها
بغيت نسولك واش أنت خدامة لحقاش أنا كنفسر السلوك ديال ولدي بالخدمة ديالي كنغيب عليه من 8 حتى 5 عاد كنوصل للدار من الخدمة ومللي كندخل مكنعطيهش يمكن الوقت الكافي داكشي علاش كيتصرف بداك الشكل المهم الله يعينا عليهم ويهديهم ويصلحهم

بالنسبة للأخت أم الأميرة وصال السنان راه خرجو و كانت تتعاني من الغازات من قبل لكن دابا الحمد لله ما بيها والو والنعاس واخا تكون ناعسة نصف ساعة أو أكثر أو أقل واااااااااالو لبارح نعسات نصف ساعة بالضبط ومبغاتش تنعس و بعد المرات تنعس ساعتين أو أكثر و تنعس دغيا
أختي نجاة راه هادشي للي محمقني راه مخداماش نهار كامل و أنا معاها و واااالو و زعما هاديك القضية تنسيها في الحاجة بحاجة أخرى واااااااااااااااااااااااااااااااالو ها هي دابا خرج باها الخدمة و تمرغات في الأرض معرفتش آش نقوليكم بغيت غير شي وحدة وقع ليها بحالي و لقات حل

انا ولدي عام و7 شهور متينعس حتى ل 10 وشي مرات تنديه انعس وبقا يترضى ليا وينوض اهبط من النموسية باقا تنعسو حدايا راه شي مرانت تيطلع الدم لباه ونديع لبيت اخر نبقا نلعب معاه حتى اجيه النعاس اما الرضاعة وقتما فاق خاصو ارضع وما يبغي اطلق البزولة شي مرات الصباح الى حس بيا نت تيبكي تى نجي ويبقا ارضع تى امشي عليا الحال ولدلك فقد قررت ان افطمه باش نتهنى وايامات العيد مع العطلة ان شاء الله نحاول نفطمو والله المستعان

حتى أنا بغيت نفطمها لكن تتبقى فيا و لكن راه خطأتي أحبيبة أنا بنتي متتنعس معايا في النموسية حتال 5 صباح أو 6 و ماشي ديما فلول كنت دايرا ليها بيت بوحدها كنت مهنية و لكن ملي تنمشي للمدينة عند العائلة تترجع مقلوبة عليا صافي ملي ولات تتعيق مبقاتش باغا بيت بوحدها قلت معليش نيت الدار بادرة نجيبها حدايا ساعة غادا و تزيد فيه نصيحة للي نعطي لأي مرأة قربات تولي إن شاء الله أم متنعسش الرضيعحداها منها صعيب تقدر تنسى البزولة في فمو و يتخنق و يتوفى و قريتها في منتدانا نيت و منها يولف و يولي مشكل بين الزوجين ملي يكبر الرضيع يبقى يبغي ينعس بيناتهم
آش غنقول لي أختي إيلا لقيتي شي حل عاونيني بيه
أنا راه بديت ليها لبارح فاقت و بقات تبكي حتى رجعات تنعس

الله يخليلك بنتك ويهديها حتى أنا "عندي مشكيل فنعىاس ديال ولدي عندو عام وشهرين ولى تيفيق بزاف وخصوا يرضع عاد يرجع إنعس ولكن الخطا راح حنا لكنديره أنا ولدي كان تيفيق بلوقت يعني 2 مرات
دبا ملي جينا المغرب ولا تينعس حديا ولا نعاس مخربق وكلما يفيق خصو يرضع وحتى إلى بغيت نفطمو مكيبغيش ليا لحليب.يعني غي صبر الله يسمح لينا من لوالدين.