السلام عليكم البنات اولا بغيت نستسمح من البنات لي واعدتهم بكريم ط§ظ„طھظ†طظٹظپ لي جربتو و لقيت نتيجة عليه زوينة الحمد لله و كنت كنتسنا غير نصايب حاجة اخري باش نحطهم بجوج في خطرة وحدة استسمح علي التاخير
اولا نعطيكم الكريم و سمحولي مصورتش المراحل حيت مصايباه هادي شحال
عنحتاجو اول حاجة تاخدو 3 معالق سكين جبير طري و تغليوه مع كاس الما حتي يقل الما لربع كاس و نخليه يبرد
قرعة ديال دوف ديال الجسم
2 م ك خل تفاح
م ك ماء الورد
م ك لوز مر ضروري يكون مر
غادي تخلطو المواد كاملة مزيان غادي تلقاو شوية صعوبة في انسجام المواد مع الكريم تقيل و المواد لخرا كلها ماء تبقاو تحركو بملعقة من التحت الي الفوق حتي ينساجمو و ما يبقاش الما يبان و عاودو وضعوه في القرعة ديال دوف و لي شاط ليكم عملوه في بواطة وبداو تستعملوها هي الاولي عاد استعملوا من القرعة دهنو المناطق لي بغيتوهم ينحفو في الليل بشكل ماساج و نعسوا في الصباح دوشوا و انا لقيت نتيجة زوينة خصوصا في التديين
دابة ندوز للمفاجئة ديالي و هي صابون التخصيص اه صابون زوين صايبتوا يساعد علي التخسيس و مانكولش ليكم الريحة ديالوا شحال زوينة ماتحتاجوش تعملوا من وراه جيل دوش ريحتو فنة فنة
عنحتاجو فيه
صابون الكلسيرين (او اي صابون طبيعي ميكونش ترغوي ) مبشور مزيان تاخدو منو 10 معالق
نصف كاس الما
9 معالق زيوت التخسيس و هي تاخدو مقادير متساوية من(زيت القرنفل +زيت السكين جبير +زيت القرفة +زيت البردقوش +زيت شجرة الشاي الاخضر )
و هنا بغيت نشكر الاخت امة الله 123 جزيل الشكر علي اعطاءي كيفية صنع الزيوت في الدار بارك الله فيك اختي
ملعقة ك القرنفل مطحون
م ك القرفة مطحونة
الطريقة
نعملوا الما +الزيوت علي نار مهيلة حتي يبدا يغلي مزيان و نضيفو الصابون مبشور وحنا تنحركو حتي يدوب الصابون مزيااااااااان و من بعد نضيفو القرفة و القرنفل وحركو مزيان هو تجي تقيل و لونو غامق بزاف كبحال هاكا
من بعد ما يتقال نعملوه في طاسة و لا عندكم السيليكون عملوه فيهم و خليوه مدة اسبوع في مكان جاف و بارد حتي يتجمع من بعد بداو تستعملوه كل ما دوشتوا متنساوش كل ما دوشتوا بداو تعملوا ماساج بيه الكرش الدراع الفخض المؤخرة التديين الضهر كل بلاصة عندكم فيها شحوم و كيف ماكلت ليكم ماتحتاجوش ديرو من وراه جيل دوش لان ريحتو زوينة بزاف هنا فاش عملتو في طاسة
و هنا فاش بديت نستعملوا
نتمني يعجبكم المجهود ديالي و ممنوع منعا باتا ههههه طلوا و تهربوا هههههه هانا تنشوفكم
اخواتي لا تنسوني من صالح دعائكم
في امان الله
;dtlh ,hu]j;l ;vdl hgjkpdt +lth[zm lth[zm
majhoudat ra2i3a
والله ايلا قتلونا لكروشا الله يحفض
المشاركة الأصلية كتبت بواسطة faiza.sm 
majhoudat ra2i3a
ربي خليك اختي نتمني نكون فدتكم
المشاركة الأصلية كتبت بواسطة houria8684 ربي خليك اختي شوفي تلقايهم في بارافارماسي و الي ملقيتيهمش انا نقلب في الوراق ديالي و نكتب ليك الطريقة بالنسية للكريم لقيت نتيجة وبانت كيف ما قلت في التديين و بالنسبة للصابون هادي سيمانا تقريبا بديت نستعملوا و لكن خاصها تكون قاعدة و عادة منستغناوش عليها و الاستمرارية و منعكزوش باش نلقاو نتيجة و بالنسبة للكريم و الصابون قبل مايساليو نوجدوا كمية اخري و هكدا باش نلقاو نتيجة
المشاركة الأصلية كتبت بواسطة اية عمري والله ايلا قتلونا لكروشا الله يحفض
مشكورة حبيبتي حتي انا تحزمت لهاد الوزن و عندي عزيمة مدير اي حاجة تساعدني باش نقاد الجسم ديالي سواء رجيم رياضة وصفات تساعد علي التخسيس بيا و لا بيه هههههههههههههه
المشاركة الأصلية كتبت بواسطة امة الله1 زيت البردقوش +زيت شجرة الشاي الاخضر )و صابون الكليسيرين ماعرفتهمش ولكن الزيوت الاخرى انا نحاول ان شاء الله نسول عليهم باينين سمياتهم و هادوك لاخرين معرفتش و الا كان ممكن حطي لينا حتا طريقة صنع الزيوت ان شاء الله و ربي يجازيك ا ختي و واش ضعافو التديين ديالك؟و متفقة معاك خاصنا نحاربو الغلض و المداومة على الوصفات الراءعة و الغير مضرة و الله الموفق
المشاركة الأصلية كتبت بواسطة houria8684 شوفي اختي البردقوش سميتو marjolaine بالفرنسية وشجرة الشاي الاخضر انا درت اتاي الاخضر لي تنشرب العادي الكليسيرين راه هدا هو اسمو نتي شوفي شنو تكولولو في ايطاليا شوفي نتي قلبي عليهم في بارافارمسي انا لقيت غير زيت القرنفل و الزيوت الاخري صيبتهم هاهي الطريقة تاخدي كمية من كل عنصر السكين جبير القرفة اتاي القرنفل البردقوش غادي تلقايه في سوبرمارشي لي عندكم تكون حدا عشوب الازير والحبق …. طحنيهم مزيان و تعملي كل نوع في قرعة معقمة و ناشفة مزيان و تكبي عليهم زيت العود و سدي عليهم مزيان و متحليهاش مدة 7 ايام كل نهار عمليهم في حمام مائي 30 دقيقة من بعد 7 ايام بداي تستعمليهم