ثبت في 20 .01 .2019
om nawaf
أخواتي و حبيباتي في الله
اليوم جايبة ليكم طريقة جديدة لتحضير الكيش.باش نخفف من الدهون في الأكل و بدلا من العجينة المورقة استعملت ال pain de mie و اللي متوفر في الأسواق التجارية الكبرى و بثمن مناسب جدا.و اللي باغية تحضره بنفسها ممكن و تقدر تلقا الوصفة في المنتدى .فايت ليا شفتها من قبل و لكن ما عقلت شكون صاحبة الوصفة.
بسم الله نبدأ
المقادير:
خبز pain de mie
بصلة كبيرة مشلظة
بورو مقطع رقيق
زيت
ملح +ابزار
علبة طون
علبة فطر (شامبينيون)
صلصة الكيش
3 بيضات
كاس صغير حليب
4 فروماجات لافاش كيري(استعملت فروماج خالي الدسم)
فروماج أحمر محكوك (اختياري)
الطريقة:
كناخدو المولة ديال الكراتان أو أي مول عندك المهم اللي يصلاح للتقديم.ندهنو بالزبدة مزيان.ناخد الخبز نحيد ليه الحواشي و نخلي غير اللبابة و نلبس المول كله بالخبز و حتى الجناب كيف كيبان في الصورة و نحاول ما نخلي حتى مكان فارغ.
Photo064.jpg
فمقلة فوق النار ندير الزيت و البصلة و البورو نملح و نخلي الكل يتشحر حتى تدبال و يتغير لونها و تتحمر.نقطع الشامبينيون و نضيفه .نزيد الابزار و نشحر الكل حتى ينشف مزيان.
نحيده من فوق النار و نزيد الطون اللي نكون قطرته من الزيت.نخلي الحشوة تبرد شوية و نفرغها في المول
نسرحها بشكل متساوي
في الخلاط الكهربائي ندير البيض و الفروماج (أو الجبن الأبيض جبلي أو أي جبن)و نزيد الحليب و نطرب الكل حتى يتمزج مزيان.نصبه فوق الحشوة .
ندخله للفرن مسخن من قبل حتى يتحمر
و هدا شكل الكيش ملي خرجناه من الفرن
نتمنى تعجبكم هاد الطريقة لتحضير الكيش و تجربوها و ثقو بيا أخواتي راها كتجي لديدة بزاف و ما تشبعي منها وخا ما درنا لا العجينة المورقة و لا الكريم فريش جات غزالة و خوتي اللي ما كيعجبهم العجب حماقو عليها و كل مرة كيطلبوني نديرها ليهم.
كانت هادي أول مرة ندير الكيش بهاد الطريقة و المرة التانية جات أحسن و استعملت الجبن ريكوطا بدل من الفروماج المثلث.
ممكن تحضري هاد الكيش بأي حشوة كتعجبك و كتعجب عائلتك.المهم المبدأ.
اللهم أدمها نعمة و بارك لنا فيها و احفظها من الزوال
لا أطمع إلا في دعوات بظهر الغيب من قلوبكم الطيبة و جزاكم الله عني خير الجزاء
دمتن أخواتي بخير و سعادة.
في رعاية الله
;da fhg pain de mie fhgw,v lk l’fod hglj,hqu
المشاركة الأصلية كتبت بواسطة ness kech 
الله يبارك فيك الحبيبة.تشرفت بيك و نورتيني و فرحت لأنك أول واحدة ترد على الموضوع.
مرحبا تفضلي أختي مدي يديك و خودي كلشي ماشي غير طريف بالصحة و الراحة .
جزاك الله خير غاليتي ورده و بارك فيك
و ننتظر دائما جديدك الرائع
الله يعطيك الصحة
