كميرات معمرين من مطبخي مرحبا بالغزلان

السلام عليكم ورحمته تعالى وبركاته
تبارك الله عليكوم الحبايب
جيبتلكوم اليومة الكوميرات معمرنين
انا عمرتوم على زوج انواع
بالتون
والكبدة ديال الدجاج
نخليكوم مع المقادير

واحد الفلفلة مقطعا مربعات صغارين
واحد مطيشة مقطعا حتى هي مربعات صغارين
واحد الجعدة محكوكة
واحد البصلة محكوكة حتى هي

شوية ديال الربيع+الملح+الابزار+الزعفران +الزيت العادي+زيت العود
التون

الكبدة ديال الدجاج
هاد المقادير غادي نعملوهوم على زوج
حيت ديال التون غادي يطيبو بوحدوم وديال الكبدة غادي يطيبو بوحدوم
للتزين
اصفر البيض +حبة حلاوة اولا الزنجلان
الطريقة
غادي نشحرو البصلة في زيت العود+العادي

داك الساعة نزيدو عليها الجزر نخلولاه يتشحر ونزيدو عليه الفلفة تتشحر شوية

ونزيدوا عليها مطيشا الزعفران الابزار الملح الربيع ونخلوها تتشحر مزيان بلمتمرقوها حيت المقادير كاملا كتطلق الماء

التشرميلا الثانية ديال الكبدة غادي نزيدوها الكبدة مقطعا ونخلوها تطيب

على متطيب غادي نعجنو العجين ديالنا

المقادير
انا عملت زوج زلايف موسطين ديال الطحين
بكييا قال ثلث ديال زبدة لدة

شوية ديال الملح
ملعقة يال الزيت
ونعجنو العجينة ديالنا كيف مكنعجنو العجينة المورقة
نعملو الطحين فالكصعة نزيدو عليه شوي ديال الملح وملعقة ديال الزيت
والماء نجمعوه مزيان داك الساعة نقرصوه ونفلحوه بالموس على اربعة

نشبرو الزبدة نخدموها مزيان فشي ميكا نزولوها ونعملوها فوسط العجينة ديالنا

نغلقو عليها من الجوانب

نضربوها بالمطلاق ونطلقوها

داك الساعة نرجعو القنوت ديالا عند بعطا

نطووها على زوج

نعملوها فوسط الميكا و نخلوها ترتاح شي 5 دقايق نرشمو الموطاع لطلقناه باش مرة اخرى نطلقوه من نفس الجهة

وعوتاني نعاودو نطلقوها على جهة اخرى بلحاق في نفس الاتجاه وهكدا نعودو العملية شي اربع مرات

فداك الساعة نقسموها على زوج شي غادي نعملو فيه التعميرا ديال التون وشي التعميرا ديال الكبدة
غادي تكون التشرميلا ديالنا طابت ديال التون غادي نطفيو عليها ملي تبرد نزيدوها داك التون ديالنا

وديال الكبدة غادي نخلوها تبرد

داك الساعة غادي نطلقو العجين ديالنا لغادي نعمرو بالتون غادي نشبر نقطعو مستطيل ونشرطو باش نشبكوها

نعمرو فيها الخليط ديالنا

نشدوها

وندهنو وجها باصفر البيض وندردرو فوق منا الزنجلان اولا حبة حلاوة

نعملوها في الطاوة وندخلوها للفران على 180 درجة نشفوها طابت نطفيو عليها ها هي ملي طابت

منبعد غادي نعمرو ديال الكبدة نطلقو مربع متوسط

نعملو فيها التعميرا ديالنا

ندهنو وجها باصفر البيض نفلحوها وندردرو عليها حبة حلاوةوندخلوها للفران

ندخلوها للفران على 180 ونخلوها حتى تطيب
ها هي كيف جات

;ldvhj lulvdk lk l’fod lvpfh fhgy.ghk