كل ما تحتاجينه من وثائق للتحمل العائلي بإيطاليا

× | السلام عليكم ورحمة الله وبركاته | ×

هنا بإذن الله سأضع كل ما تحتاجه الأنيقات من ظˆط«ط§ط¦ظ‚ ظ„ظ„طھط­ظ…ظ„ ط§ظ„ط¹ط§ط¦ظ„ظٹ بإيطاليا

انا كنت محتاجة جدا ً لمعرفة ما علي وأي الوثائق أحتاج

وأيضا ً المراكز الإدارية التي اتمم فيها كل الإجراءات

وجزى الله كل أخت ساعدتني على معرفة كل ما يخص هذه المرحلة

أختي من بعد ماياخذ الزوج ديالك النولا اوسطا خاصك تصيبي هاذ الأوراق اللي غانقول ليك

عليها بالتفصيل بإذن الله

شهادة الزوجة الوحيدة

× | الوثائق | ×

فوطوكوبي عقد الزواج
فوطوكوبي البطاقة الوطنية للزوجة
فوطوكوبي البطـاقة الوطنية للزوج
2 صور شمسية للزوجة
2 صور شمسية للزوج
عقد الإزدياد للزوجة
عقد الإزدياد للزوج

الإجراءات
تجمعي كل هاذ الأوراق وتمشي للمقاطعة التابعة للحي ديالك سولي على المكان المخصص لهاذ الوثيقة وغادي السيد المكلف يطلب منك تسني بعد ما يصب ليك الورقة ويصيفطك عند المقدم باش يمضي فيها وحتى نتي تسني معاه وترجعي عند السيد المكلف بالشهادة يعطيك الشهادة وتديها عند ضابط الحالة المدنية يمضي حتى هو
وغادا تاخذيها معاك

فوطوكوبي الحالة المدنية

فوطوكوبي لأربع صفحات الأولى من الحالة المدنية
تمشي للبلدية للمصادقة عليها وضروري تكون معاك الحالة المدنية الأصلية

ومن بعد تديها هي وشهادة الزوجة الوحيدة لمكتب الحالة المدنية لقسم المصادقة على العقود .. باش يصادقو ليك عليها . وتاخذيها

عقد الزواج

× | الوثائق | ×

2 فوطوكوبي لعقد الزواج
2 فوطوكوبي للبطاقة الوطنية للزوجة
1 فوطوكوبي لبطاقة الزوج
تنبر 20 درهم

الإجراءات
تتمشي للمحكمة الابتدائية وتدخلي عند كاتب رئيس المحكمة والمختصة في المصادقة على العقود و الاحكام
و تسني على شي ورقة و تدخلها هي لعند الرئيس يسنيها
تولي تعطيهاليك فواحد envlope اصفر و تقوليك هي فين غتمشي بالضبط تبعي الارشادات حتا توصلي للقسم اللي طلبات منك … وراح كل واحد مشيتي عندو غادي يقولك عندمن تمشي حتى تقضي شغالك و تدخلها تاني للرئيس يسنيلك فيها و تولي هي تعمر اللي بقا و تعطيها التنبر تلصقوليك . و اخيرا ههه

دابا انتاقلوا للعمل في وزارة الخارجية

× | الوثائق | ×

عقد الزواج
شهادة الزوجة الوحيدة
فوطوكوبي للحالة المدنية
و20 درهم لكل وثيقة
شهادة 20
عقد 20
20 وفوطوكوبي الحالة المدنية

الإجراءات

غادا كل وحدة تمشي لملحقة زوارة الخارجية وموجودة في خمس مدن في المغربية

وهي الرباط . تطوان . طنجة .ناظور . بني ملال
والعناوين غادا نوضعها في آخر الموضوع إن شاء الله

أنا اللي قريبا ليا هي الرباط وكل وحدة تمشي للي قريبة ليها

خاصك تمشي بكري يعني بكري بزاف مع الخمسة تقريبا حتى لسبعة من ورا هاكا تلقاي

المقاتلة

مني تكملي مرحلة egalisation غادا تبقا ليك الترجمة

وهي تتكون عند مترجم وغادا تترجمي الوراق اللي كاليزيتي في الملحقة
ومتنساوش الحالة المدنية باش مايكون حتى شي غلط يرجكم للصفر ونصيحة اخرى رااااااااااااقبو الوراق في كل إجراء ليكون اخطاء ومن الاحسن تراقبي في المكان اللي صيبتي فيه الوراق باش ترجعي يصلحو ليك الغلط وراه اي غلط غادي يكلفك الكثييييير
وأي ورقة صيبتوها تديرو ليها فوطوكوبي وتحتافظو بيها في شي ملف خاص عندكم

المهم الإجراءات الآتية خاص ضروري تكون عندك nulla osta

× | الوثائق | ×

* جواز السفر وفطوكبي ديالو
* فطوكبي ديال البطاقة الوطنية
* الحالة المدنية الاصلية
* تصويرة باش ديرها ف demande de visa
* nulla osta و فطوكبي ديالها أي الدوموند
* فطوكبي ديال الحالة المدنية egalisée و الترجمة ديالها
* فطوكبي ديال الترجمة ديال الحالة المدنية
* فطوكبي ديال الحالة المدنية اللي كاليزيتيها
* شهادة الزوجة الوحيدة و فطوكبي ديالها من بعد legalisation ديالها
* الترجمة ديال شهادة الزوجة الوحيدة و الفطوكبي ديالها
* عقد الزواج egalisée و فطوكبي ديالو
* الترجمة ديال عقد الزواج و الفطوكبي ديالها
الفوطوكبي ديال السيجورنو ديال الزوج ديالك
شهادة عدم الطلاق
32 ألف ريال للشخص الواحد

هاد الوثائق كاملة تدفعيها للمركز الايطالي للارشادات و المصاقة على الوثائق و طلب التاشيرات
centre italien d’assistance opérationnelle pour les visas et les légalisation
غادا نوضع العنوان ديالو في آخر الموضوع

المهم منين تتوصلو لتما تتلقاو الشباب اللي تيعمرو demande عطيوهم ديك 40 درهم و هما يعمرو هاليك راهم عارفين كلشي
وماتمشيو حتى تاخذو الموعد يعني تمشيو مع الوراق ورقم ديالكم
تياخذو من عندكم جواز السفر ورقم الموعد اللي عطاوك في الهاتف
حتى تيعيطو عليه ويعطيوك راقم آخر ديال النوبا ديالك وتسناي حتي يبان ليك رقمك في الشاشة الالكترونية وتتمشي تخلصي ويقولو ليك ايمتا تجي تاخذيها ولا حتى يصيفطو ليك ميساج

صافي هذه هي الإجراءات والله ييسرها على كل أخت باغا تلتحق بالزوج ديالها

————————————————————————-

العناوين التي تساعدك ِ