كلينيك النرجس في مراكش

السلام عليكم و رحمة الله و بركاته
اخواتي شكون ولدات فكلينيك ط§ظ„ظ†ط±ط¬ط³ بالفتيح كيف دازت الامور و بشحال حسبو ليها تمن الولادة
و شكرا لي كل من قدمت لي اي معلومة

;gdkd; hgkv[s td lvh;a

انا كنت ولدت فيه 2024 حسبو ليا 7000 درهم ونيكوسيت معاهم نقصو ليا 500 درهم

عن طريق : samsung – GT-S5282

المشاركة الأصلية كتبت بواسطة toufaha

اختي اش غانقوليك هداك كلينيك سوق الاربعاء ماشي كلينيك مع الاسف شحال هادي كان مزيان دابا كايخدمو بلي ستاجيير بقيتي تما ماعدا الى كان طبيبك يوصي عليك مزيان باش تلقاي الرعاية سي نو ماكاين لي يديها فيك

انا كنت ولدت فيه 2024 حسبو ليا 7000 درهم ونيكوسيت معاهم نقصو ليا 500 درهم

شكرا اختي ربي يخليك
بصح اختي هو عاااااااامر بل قياس و لكن اش غاديري الطبيب لي متبعة معاه تيولد فيه و قريب ليا و قال ليا غادي يوصي عليا
غير هو قالي تمن 8000 درهم غرفة بوحدك و لكن بلا ميبات معاك شي حد جاتني غالية تجارة هدي هههه
واش بات معاك شي حد و شحال جلستي فيه الله يجازيك بالخير

المشاركة الأصلية كتبت بواسطة سكينة ام آدم

سلام سليمةكيف دايرا الكريشة.كيف قالوو ليك البنات.هداك كلينيك عاااامر بزاااف وداير بحال السوق .كنت درت فيه كورتاج وبقيت الليل كامل في البلوك حيت لاسانسور خاسر وقاش قلت ليهم بغيت نخرج من هنا داوني لواحد لاصال كبيرة مخلطين فيها رجال وعيالات وانا عريانة مغطية غير ب ايزار ههههه.والمعاملة خايبة.شوفي المصحة الدولية نقي وزوييييين
الله يفكك على خير

اهلا سكينة اش خبارك تانتي قربتي الله يفك الوحايل على خير
خلعتوني منو ههه اوا الله يصاو ب و صافي حتى نشوف تاني مع الطبيب

المشاركة الأصلية كتبت بواسطة بنات بلادي

اه اختي انا بنت اكادير مشينا حنا والعائلة لمراكش وصدق مرض الواليد وخاصو ينقل الدم وديناه ليه وما تقولي غير سوق خايب بزاف والمعاملة عيانة وعامر بالناس حاطينهم فالكولوارات ومرون والمريض مسرح ويشوف فداك لي حداه

شكرا اختي على المعلومة الله يحفظك

المشاركة الأصلية كتبت بواسطة لون الحياة

شكرا اختي ربي يخليك
بصح اختي هو عاااااااامر بل قياس و لكن اش غاديري الطبيب لي متبعة معاه تيولد فيه و قريب ليا و قال ليا غادي يوصي عليا
غير هو قالي تمن 8000 درهم غرفة بوحدك و لكن بلا ميبات معاك شي حد جاتني غالية تجارة هدي هههه
واش بات معاك شي حد و شحال جلستي فيه الله يجازيك بالخير

بالسنبة للثمن يمكن يكون تزاد علاقاش تانا ولدت هاد العام فكلينيك اخر ب 8500 درهم
ماكانش تايبات معايا تاحد انا اختي لي خلاني نمشي ليه كانت اختي ولدات فيه ف 2024 وشفت كيف حطو ليها الورد والمعاملة كيف دايرة كل مرة يجيو يسولو فيها وبقات ديك الصورة فبالي نهار انا بغيت نولد مشيت ليه وياريتني مامشيت ليه بكثرة ماتشهر ولا بحال سبيطار الدولة الزحام وكيف قالت الاخت الناس فالكولوار وفوق هادشي انا ولدت فشهر 7 كانت شي 48 الحرارة كنت غانموت والسرير الميكة وباش غير يجي شي حد يفرش ليا شي حاجة وخا تظلي تصوني عليهم والكليما خاسر واحد الحالة كرهت هداك الكلينيك

جلست فيه 3 ايام منين خرجت مشيت باش نداوي قالتليا السيدة لا مانداويوكش سيري عند الطبيب فالعيادة وانا اصلا ماكنتش متبعة مع داك الطبيب لي ولدني طبيبتي ماكانتش تاتولد ومشيت للكلينيك ديريكت باش نولد قلت ليهم واش انا كنت متبعة معاه راه جيت الكلينيك نولد هو لي عارفة وخلصت فلوسي هنايا خاصكم تداويو ليا هنا والله مابغاو حلقي جف مابغاوش لحسن الحظ رمقت واحد الطبيب كان كليان عندنا فالخدمة ومشيت عندو وعاودت ليه جا صبنها عاد بداو كايداويو ليا سمحيليا مابغيتش نخلعك ولكن هادشي لي وقع معايا
كلينيك المطار ولدت فيه المرة الثانية المعاملة زوينة ولكن مخنوق داير كيف شي دار وحتى هو مع كثرة مامضيق الزحام والصداع

المصحة الدولية كيف قالت الاخت بنت خالتي ولدات فيها كاتشكرها وتعاود والله يفكك على خير اختي هدا هو المهم

المشاركة الأصلية كتبت بواسطة toufaha

بالسنبة للثمن يمكن يكون تزاد علاقاش تانا ولدت هاد العام فكلينيك اخر ب 8500 درهم
ماكانش تايبات معايا تاحد انا اختي لي خلاني نمشي ليه كانت اختي ولدات فيه ف 2024 وشفت كيف حطو ليها الورد والمعاملة كيف دايرة كل مرة يجيو يسولو فيها وبقات ديك الصورة فبالي نهار انا بغيت نولد مشيت ليه وياريتني مامشيت ليه بكثرة ماتشهر ولا بحال سبيطار الدولة الزحام وكيف قالت الاخت الناس فالكولوار وفوق هادشي انا ولدت فشهر 7 كانت شي 48 الحرارة كنت غانموت والسرير الميكة وباش غير يجي شي حد يفرش ليا شي حاجة وخا تظلي تصوني عليهم والكليما خاسر واحد الحالة كرهت هداك الكلينيك

جلست فيه 3 ايام منين خرجت مشيت باش نداوي قالتليا السيدة لا مانداويوكش سيري عند الطبيب فالعيادة وانا اصلا ماكنتش متبعة مع داك الطبيب لي ولدني طبيبتي ماكانتش تاتولد ومشيت للكلينيك ديريكت باش نولد قلت ليهم واش انا كنت متبعة معاه راه جيت الكلينيك نولد هو لي عارفة وخلصت فلوسي هنايا خاصكم تداويو ليا هنا والله مابغاو حلقي جف مابغاوش لحسن الحظ رمقت واحد الطبيب كان كليان عندنا فالخدمة ومشيت عندو وعاودت ليه جا صبنها عاد بداو كايداويو ليا سمحيليا مابغيتش نخلعك ولكن هادشي لي وقع معايا
كلينيك المطار ولدت فيه المرة الثانية المعاملة زوينة ولكن مخنوق داير كيف شي دار وحتى هو مع كثرة مامضيق الزحام والصداع

المصحة الدولية كيف قالت الاخت بنت خالتي ولدات فيها كاتشكرها وتعاود والله يفكك على خير اختي هدا هو المهم

بصح اختي المهم هو الفكاكة على خير اما ويل ويل هربنا زعما من المخزن و مشينا لكلينيك ساع ولاو بحال بحال
شكراااا احبيبة عاودتي ليا تجربتك الله لا يخطيك