كلمة شكر وعرفان بالجميل

بسم الله والحمد لله والصلاة والسلام على رسول الله
السلام عليكم ورحمة الله وبركاته
قبل كلشي بغا نشكر جاع الاخوات اللي دعاو معايا وبدعائكم ربي استجاب او يسر ليا حتى رجعت لايطاليا باش ناخد حق ولدي باذن الله عز وجل
او لهذا مابغيتش يفوتني اني نشكر اصحاب الفضل من بعد الله عز وجل ودعاء واليديا
واللي كانوا سبب فاني نرجع او ندخل داري
وكيما كلشي عارف اختي سعاد ام حسام اللي كون صابت ادير المستحيل فقبلي مغاتتراجعش لا هيا لا زوجها الله يجازيهم كل خير عليا وعلى ابني اللي فبطني وربي يتمم حملها على خير ويجمعها بحسام فالقريب العاجل ويقر عينها بصلاح زوجها واولادها
والاخت الفاضلة اللي حسيت معاها ان ماما فجنبي ومعايا هي وزوجها الله يجازيهم بخير واللي عملوه معايا غايبقى جميل فوق راسي ماغاننساهش لللاسف مانقدرش ندكر اسمها لاني ماقلتهاش ليها
لكن هي اخت فاضلة فالمنتدى وعندها مكانتها بيناتنا كبيرة واكيد الكل تايبغيها فالله يبارك فيها وفزوجها واولادها والله يجازيها بخير ويقر عينها بصلاح اولادها ويجعل كل اللي قاموا بيه فموازين حسناتهم
وبما انا فليال رمضان الاخيرة تانتمنى من كل الاخوات يدعيو مع هاد الناس الله يجازيهم بخير
ويدعيو معايا لان راه باقا فوسط المعركة وادعيو ربي يفكني على خير ويرزقني ولد سيلم معافى ويجعلوا من الصالحين المصلحين البارين بي

---

;glm a;v ,uvthk fhg[ldg fhg]gdg

حبيبتي ام السعد
شحال ضرنا قلبنا من جيهتك لما علمنا اللي حصل
مع اننا فتجمع الحوامل حسينا باللي غادي يوقع و حذرناك ياكي عقلتي لكن ماشاء الله اللي مكتاب تايتصرف و خلاص
عرفتي قبل مانعرفوا اسمك حسينا من كلام الاخت انك نتين والله
دعينا ليك من قلبنا باش ربي يكون معاك و الحمد لله رجعتي دويرتك الحبيبة
تانطلب ربي يتبت حملك و يرزقك ولادة ساهلة و الخلقة الكاملة
وربي يجازي كل من ليه دخل من قريب او من بعيد فرجوعك لدارك و تانطلب ربي يزيد يكمل عليك بالخير و يفرجها عليك
و تجمعنا ديما مفتوح ليك عنداكي تنساينا راه حنا ديما جابدينك و مفكرينك و قلبنا معك

ربي يخليك اختي مايا
ورانا ماناسياش التجمع او مناسياكمش غير الضروف
الله يتمم لينا على خير

امين الحبيبة ديالي و ديري فبالك ان ربي راه معاك و هو حسن من الجميع

الحمد الله الحبيبة منين رجعتي لدورتك
والله انصرك على لظالمك وراه منسيناك من الدعاء
لانكي اختنا في الله
الله ايسر ليك ولادتك واجعل ولدك بار بيك وعوضك على كل دمعة وكل الم شفته
وراه دعوة المظلوم مستجابة عند الله
الله انصرك الحبيبة

امين اختي بسملة
او الله يعاونك حتى انتي احبيبة

الله يسر ليك امورك ويفرج عليك همك
الله يتبت حملك و يرزقك ولادة ساهلة و الخلقة الكاملة

الحمد لله ملي رجعتي على خير وان شاء الله تفكي على خير وتكملي داكشي علاش جيتي ودابا ربي يزيد ينصرك عليه وينتقم منه ان شاء الله

اختي علا سلامتك ملي رجعتي لدارك رغم أني مكنعرفكش دعيت معاك الله يغلبك علا اللي ظلمك الحمد الله ربي استاجب من كاع اللي دعا معاك لانك بالفعل مظلومة، فرحت ملي بشراتنا ام حسام بلي رآك رجعتي لدارك نتمنا تفكي مشاكلك و انشأ الله ربي يعوظك خير علا كلشي اللي فات

على سلامتك الحبيبة

الحمدلله أختي الله يرزقك الصبر والله يفك ويحايلك ع خيــــــــر