كسكس بالغنمي والخضرة من كوزينتي

من بعد نصيف اللفت والمكور+الجزر ونرويو بالماء سخون

دابا ندوزو للكسكس انا كنعمل السميدة هنا درت كيلو زدت عليه شوية الزيت الرومية وتفتليه بيها

عاد تبداي ترشي بالماء بارد تقريبا كاس كبير ونتي كتفتلي باش ماتعجنش وايلا تكونو ليك كويرات دوزي الكسكس في غربال البوصيار بو عينين كبار ههههههه

وعملي الخليط في الكسكاس وحطيه فوق البرمة حتى تطلع فيه الفورة

ملي تطلع الفورة حيديو ورشيه بالماء والملح ورجعيه مرة اخرى وتعاودي نفس العملية مرة ثالثة ولكن بدون ملح وترجعيه يفور
اما البرمة فقبل الفورة الثالثة ديال الكسكس كنضيف الدنجال+القرعة الحمراء والخضراء كنخليوهم هوما الاخيرين لحقاش دغيا كيطيبو ونضيف الماء الى خاصنا ولما تنضج الخضرة كنزيدو عليها مطيشة الحك باش يبنان ويتزنك ههههه

ايوا فاش كيطيب كلشي كنضرب طليلة من الشرجم وايلا بانو ليا الناس راجعين من الجامع كنسقي الكسكس باش يجيو معاه قد قد ونسربيه في الطابلة مع اللبن اكييييييييييييييييد

وهكدا مشات خبيرتي من واد لواد وبقيت انا كنتسنى ردور الانيقات بنات الجواد هههههههههههه دايرة فيها رمانة وبرطال ههههه