ربي يخليكوم ولا شكر على واجب
المقادير
بصلة صغيرة
2 مطيشة
4 جزر
3 اللفت
الكرعة
بادنجان
فلفة حلوة
فلفلة حارة
1بطاطا
1/2 كيلو لحم جمل
1 كيلو سميد
الطريقة
كيديري اللحم مع الزيت و العطرية حتى كتقلى و كنزيدو ليها البصلة و مطيشة و نخليوها شوية و نزيدوا ليها الما حتى يوصل اليدين ديال الخديمة و ملي كيغلى الما كنزيدو عليها الخضرة الي كنكونو قطعناها ما عدا الكرعة اللي كنخليوها حتى لتفويرة الثالثة ، ملي كيطبخ الما مع الخضرة كنشدو السميد و نديروه في القصعة و كنحركوه مع شوية ديال الزيت البلدية و عاد نديرو ليه كاس ديال الماء و الى ولا لينا كويرات كندوزوه في الغربال باش نحيدو ليه الكويرات و ندروه يتفور التفويرة الاولى ، نفس الشيء للتفويرة الثانية اما التفويرة الثالثة كنديرو ليه الزيت و الملحة و الماء و نرجعوه لكسكاس .
ونقدموه بالصحة و الراحةةةةةةةة
;s;s hg,hg]m
تبارك لله على السيدة الوالدة و الكسكس ديالها الله يعطيها الصحة و يطول عمرها
القصعة تتشهي تبارك الله
و إذا ممكن أختي الكريمة norina تبوسي لها هادوك ليديدات لي وجدوها و تطلبي منها المقادير و الطريقة و تشكريها نيابة علينا جميعا
تحياتي و قبلاتي فوق جبين كل أم طيبة
قبلة على جبين الوالدة
الله يحفظها و اخليها ليكم يارب امييين
الله يعطيكم الصحة