تم التثبيت بواسطة*ليلى ام سارة* بتاريخ 4/7/2019 بسم الله الرحمان الرحيم السلام عليكم و رحمة الله و بركاته اول مرة كنصاوب ظƒط³ظƒط³ظˆ فداري فالغربة لانه مكانس عندي الكسكاس و غير لقيتو مشيت كنطير شريتو و صايبت هاد كسكسكو اللي جا بنيييييييين وحماقينا عليه انا عارفا باللي بزاااااااااااف كيعرفو يصايبوه و لكن من جهة خرى كاينين اللمبتدئات بحالي مكيعرفوش و اللي بغيت نقوليهم غير زعمو راه ساهل ماهل المهم نبداو بالمقادير الاولية بصلة متوسطة مشلضة+لحيما اللي قسم الله+حمص مفزك و بايت ليلة كاملة+ملعقة صغيرة سكينجبير+نص ملعقة بزار+نص ملعقة خرقوم+زعفران+ملح+كنور الغنمي على ود لحيما غنمية+نص كاس تالزيت+ربيطة ديال القزبور و المعدنوس 
الطريقة كتحطي الزيت فالكوكوط و تزيدي اللحم و البصل و القزبور و المعدنوس والتوابل وتبداي تقلي فيها مزيااااااااااان حتى تقلا و تنشف من الما و الزيت تولي بحال الصورة 
ايوا الالة و تزيدي الحميمصات ومطيشة مقشرة و مقطعة سنانف وتمرقي بالضبط جوج ليتر انا زدت عليه كاس اخر و لكن لا فائدة منو غير شاط ليا اللهم انتوما ديرو جوج ليتر 
وسدو على الكوكوط يطيب اللحم نص طيبة باش تخدمي على راحتك بيه متقوليش عنداك يبقا قاسح انا اللحيما كتاخد ليا نص ساعة فطيبتها ربع ساعة ومن بعد خويتها فالبرمة منين خويتها فالبرمة زدت عليها خيزو ويلا بغيتو اللفت حتى هو كيتزاد فهاد المرحلة لاحقاش انا مكاناكلوش لا انا لراجلي فمدرتوش هو والمكور هاهي الخضر اللي ستعملت 
منين تزيدي خيزو خلي المرق يغلى و سيري للكسكس ديريه فقصرية و رشي عليه كاس الا ربع الما بارد ماشي سخون وبقاي تفرقي حباتو بيديك باش ميتعجنش و تبقا الحبة على ختها ايوا منين يشرب الميها رشي مليحا و زويتا عادية وبسبسي بيديك بحال اللي كنديرو للحرشة 
صافي غير يغلى المرق ديري الكسكس فالكسكاس و دوري عليه الميكا باش ميخرجش البخار و يستافد منو الكسكس مزياااان 
ايوا الاة منين يفور الكسكس يعني يطلع شويا و تشوفي البخار طالع منو بزااااااااف نزليه وشوفي خيزو الا طاب رمي الخضر اللي بقات انا رميت قرعة خضرا و حمرا و جوج بطاطات ومعيلقة ديال مطيشة الحك باش تحمر شويييييا المرق ويلا بغيتي مزيودا انا مدرتهاش ها الخضر منين رميتها 
وكما العادة خليها غير تبدا المرق يغلي ونتي فهاد الاحيان مع الكسكس محدو سخون رشي عليه كويس الما ومنين ينشف دهنيه بسمينا ايلا عندك وبسبسيه تم الى الكسكاس و خليه يفور الفورا التانية مزياااان ومنين تحيديه صافي مباقاش غاديا ترشيه بالما و لا تا حاجة سافي يبقا فطبق التقديم و نشوفو الخضر راه مية فالمية طابت ايوا وهالنتيجة 
ناقصاني غير قصرية و لكن الغالب الله و لكن دااااااابا نجيبها هههه 
كترفيها بزلافة ديالا لمرق و لبينا باااااااااااردة 
وكنعاود نقوليكم البنات غير زعمو راه سااااااااااااااااااااااااااااااهل ماهل و بنييييييييييييين اللي عجبها موضوعي انا مزاوكة بلا متقيموني لا والو غير دعيوة من القلب و فضهر الغيب بفكاكة ساهلة وخصوصا انا وحدانية وغنولد بوحدي هنايا لا عائلة لا والو كنعاود قصة حياتي ههههه والخلقة الكاملة للمولود ليا و لبنات التجمع ديال الحوامل اللي غيولدو فشهر 9/8/7 ولكل الحوامل اي سؤال انا موجودة وسمحولي شي مراحل مصورتش راني يد و حدا و الصهد و كرشي مزاحماني ههههه ربي يبلغنا رمضان كاملين و يجعلنا من عتقة النار اميييييييييييييين وصلى الله على نبينا محمد عليه افضل الصلاة و احلى السلام
;s;s, fhggpl lk fgh] hgpvldk hgavdtdk lvpfh fd;l gglfj]zhj
ماشاء الله تبارك الله عليك
تبارك الله عليك وسعداتك كاينا فديك الارض الشريفة اسئلك دعاء لي ولي جميع الاخوات
ههههههههههه مامات ياسمين شي يدعي لشي يا رب يسهل امرك و ينور طريقك و يفرح قلبك ويرزقط من حيت لا تحتسبين الله يبارك فيك اختي رشماء
بسم الله الرحمن الرحيم السلام عليكم ورحمة الله وبركاته تبارك الله عليك
تبارك الله عليك اختي والله يفكك على خير ويعطيك ولادة ساهلة
تبارك الله عليك اختي و الله يرزقك وقفة ساهلة ان شاء الله و لجميع الحوامل يا رب ويفرحكم بشوفة دريتكم صالحة معافاة ان شاء الله
تبارك الله عليك
ماشاء الله تبارك الله عليك الله يفكك على خير ويعطيك مانويني في خاطرك ويسهل عليك ماصعاب يارب
تبارك الله عليك ربي يرزقك فكاكة ساهلة ماتمحني فيها وتفرحي بوليدك ولا بنيتك.وبصاحتك الكسكاس والبرمة والكسكسو ولكي احلي تقييم.وماتنسايش تدعي معايا ففترة المخاض ههههههه ڭولي ليا غنتفكرك غير نتي.الله يفرحك.