كسكسو ديالي ط¨ط§ظ„ط®ط¶ط± نقوا الخضرة ديالنا كلها ونحطوها على جنب 
نديروا اللحم ديالنا في البرمة 
ونزيدوا اعليه البصلة اللي قطعنا شرائح 
نزيدوا التوابل ديالنا الملح – الابزار – الخرقوم – سكين جبير الزيت ( البلدية والرومية) ونمرقوا القياس اللي غا يكفينا 
نخلوه يطيب شوية عاد نزيدوا اعليه الكرمب 
ونزيدوا اللفت خيزو الخضر اللي تتشد شوية الطياب 
وهاد الخضر نخلوهم هما اللخرين 
حتى يقربوا يطيبوا الخضر الاخرى ونلوحوهم 
دابا ندوزوا للسميدة أول حاجة تنديرها كنزيد الزيت والسر ديال البنة ديال الكسكسو ديالي كنزيد في الاول في السميدة الابزار والملحة 
عاد نبسسها بيدي 
ونبدا نزيد الماء وانا كنفتل بيدي 
غير شوية لان في الاول ما تنديرش بزاف باش ما تكورش 
نخليها ترتاح 
ونديرها تفور التفويرة الاولى 
ونعاود نحطها في الكصعة ونرشها ونفتلها بيدي ونردها تفور 
والثالثة نفس الشئ انا للسميدة تنديرلها 4 تفويرات في الرابعة ما تنديرش الماء فقط السمن او الزبدة 
ونردها تفور ونسقيها وها ظƒط³ظƒط³ظˆ واجد من يديا وحياة عينيا 
يا الله بسم الله وجمعة مباركة عليكن اخواتي 
;s;s, fhgoqv fhgw,v
مممممم تبارك لله علييك
الله يبارك فيك يا الله قولي بسم الله
المشاركة الأصلية كتبت بواسطة أم سعد و رميساء 
شكرا ليك الزين ديالي الله يعطيك الصحة منوراني بالمرور ديالك
واشهيتيني والله العظيم انا راجلي مكيبغيهش وتيحرمو عليا انا نهار تنعلق البرمى فوق البوطة كيكحل بالعمى الله يسمحليه مني هههههههههههههههههه
ماشاء الله تبارك الله عليك وبالصحة
المشاركة الأصلية كتبت بواسطة مهى1234 واشهيتيني والله العظيم انا راجلي مكيبغيهش وتيحرمو عليا انا نهار تنعلق البرمى فوق البوطة كيكحل بالعمى الله يسمحليه مني هههههههههههههههههه لهلا يحوجك يا الحبيبة فعلا الكسكسو تيبغي الجماعة راه حتى انا غير ملي كّالسة دابا ووليداتي عطلة هادا اعلاش اما حتى انا محرومة منوا بزاف ولكن ملي تنلقى الفرصة ما تنفوتهاش هههههههههههههههه
تبارك الله عليك و بصحتك
المشاركة الأصلية كتبت بواسطة الخالة نجاة ماشاء الله تبارك الله عليك وبالصحة اهلا اختي مرحبا بارك الله فيك شكرا لك تتعجبيني وداخلة لقلبي ما شاء الله اعليك