كرتان بالروز والدجاج والخضرة بالصور والتفصيل الممل

ف المقلاة نشحرو البصلة مع قطع الدجاج وشوية ملح ولعطرية ونعصرو عليها شوية الحامض

نقشر الفلفل ونقطعه على شكل طولي

ف المقلاة نشلضو البصلة ونديرو معاه داك الفلفل لي قطعناه وشمبنيو وخيزو لقطعناه على شكل طولي شوية ابزار وملحة وقسبور وزيتون مقطع وكورنيشو مقطع نخلوهم حتى يدبالو

خليط كريم فريش والبيض وفرماج

نديرو طبقة الروز ف المول ونسقيوه بخليط كريم فريش والبيض وفرماج

نديرو طبقة تانية ديال الفلفل وخيزو …….. ليشحرنهم ودجاج لوجدنا ونرشو فوق منو شوية فرماج موزاريلا

نستفو فوق منو روز ونسقيوة عاود بداك كريم فيش والبيض وفرماج

نديرو عاود طبقة ثالثة ديال دجاج وداك الفلفل وخيزو وكرنيشو وزيتون ………..

كنرشو فوق منو فرماج أنا محيت داك المحkok تقادالي وقضيت بهدا

ونديرو عاود طبقة روز ونسقيوة عاود بخليط كريم فريش والبيض وفرماج
ونرشو فوق منو فرماج محكوك وندخلوه الفران ها هو فاش تحمر

علاش نسقيو الروز بداك خليط كريم فريش والبيض وفرماج باش روز ايجي لاصق ميتفرتتشي وكايعطي نكهة لروز

رافقت معاه زيتون مشرمل وبالصحة والراحة

راه تمحنت ف تحميل التصاور ولكتابة حيت معنديش العربية ف كلافي
لي عجبتها الوصفة تدعيلي بالذرية الصالحة

;vjhk fhgv,. ,hg][h[ ,hgoqvm fhgw,v ,hgjtwdg hgllg