كرتان المقرونية بالكفتة والخضار من مطبخي بالمراحل والصور

16//11/2019
تيليلة
السلام عليكم ورحمة الله تعالى وبركاتة
بالنسبة للمقادير د الكرتان كنحتاجو:مقرونية مسلوقة فالماء والملح نصفيوها ونخليوها تبرد
ونرجعو نشحرو البصلة والفلفلة(انا نسيت الفلفلة) فالزيت البلدية و الرومية ونزيدو خيزو محكوك طويل ونشحروه شوي ونزيدو الكرعة الخضراء محكوكة طويلة ونزيدو الكفتة والمعدنوس ملح+ابزار+سكنجبير+خرقوم بلدي+زعتر محكوك يابس ومطيشة د الحك(نسيت مصورتهاش) ونتركو الكل يطيب وينشف من الماء
ونرجعو نصاوبو البشاميل(3 م ك زبدة دايبة ونضيفو 3م ك طحين ونحركو ونضيفو نصف لتر حليب ونستمرو فالتحراك حتى تندمج العناصر وتختار ونضيفو ملح+ابزار+كوزة محكوكة وفرماجة ونحركو
ونحكو الفرماج
ونرجعو ناخدو ط§ظ„ظ…ظ‚ط±ظˆظ†ظٹط© ونخلطوها مع لاصوص ونديرو نصفها فالمول ونديرو فوقها البشاميل ونرشو الفرماج ونضيفو النصف الاخر ونخلطو للي بقا من البيشاميل مع الفرماج وندخلوها للفرن تحمر
والصور تشرح اكتر وهاهي وجدت انا رافقتها مع ستيك مقلي وسلطة خضراء هدا الرابط ديالوhttps://www.anaqamaghribia.com/vb/sho…39#post6116139 وهاد الطرف باش تشوفوها من الداخل كنتمنى يعجبكوم وتجربوه ومتنساونيش بدعواتكن ولكن بالمتل