السلام عليكم انيقاتي هاد لكرتان كنت شفت عند حورية المطبخ وجربتو وجا غزال كنديرو ملي كنكون عندي لحوت طولت عليكم هههههههههه المهم ندوزو للمقادير رابعة عدس مصلوقة مع الملح وجوج ضروس ديال الثومة يتصفى ويبقى على جنب دبا ندوزو لشرمولة ديالو في مقلة كنحك بصلة متوسطة في حكاكة رقيقة مع جوج ضروس ثومة مع فلفلة حمرة مقطعة مربعات ضروري تكون حمرا نديرهم فوق العافية يتشحرو مع شوية تاع الزيت و الملح ملي يدبالو شوية نزيد عليهم حبة تاع مطيشة مقطعة مربعات مع معلقة كبيرة مطيشة تاع الحك مدوبة في نص كاس ماء وندير تحميرة و الكامون والخرقم عرق وملي يطيب الخليط خصو يشرب مايبقاش فيه الما ديك ساعة نزيدو ليه الزيت البلدية و لعدس لي صلقنا قبل وناخدو الدنجال ونقطعوه شرائح ونقلوه في الزيت او ندخلوه للفرن ملي يطيب نقطعوه مربعات ونزلوه فوق داك لعدس ونرشوه باي فرماج محكوك وندخلوه للفرن باش يدوب الفرماج كنتمنى نكون وضحت حيت هدي اول مرة ليا كنتمنى تجربوه والله حتى لذيذ راجلي معندوش مع لعدس لكن بهده الطريقه كيحماق عليه وحتى ولدي كيعجبو شي دعيوة في ظهر الغيب الله ينوركم
;vjhk hgu]s ;d[d tk
الله يعطيك الصحة والله يناولك ماتمنيتي