كراتان بالروز

السلام عليكم ورحمة الله وبركاته
اليوم جبت ظƒط±ط§طھط§ظ† ديال الارز ان شاء تجروه او يعجبكم بسم الله نبدا.
المقادير:
– بصلة مشلضة .
– 2 ضريسين ثوم مقطعين رقاق .
– 350غ من الروز .
-50غ زبدة .
– 2 معاقل كبار فروماج محكوك .
– 200غ جلبانة مبخرة او مسلوقة انا كنفضل التبخار.
– 70غ لحم مدخن مقطع شرائح يمكليك تعوضيه بالكاشير.
– 2 بيضات مسلوقين.
– 150غ صوصيص مقليين او مقطعين طريفات.
– 100غ زيتون اخضر لي مقطع دوائر .
– بيضة ما طايباش.
– نصف كوب حليب.
– ملح .
– قليل من الزيت
الط———-ريقة:
كنشحرو البصلة والثومة حتى يدبالو كنضيفو الروز نبقاو كنحركوه حتى يولي اللون ديالو شفاف عاد نضيفو الماء تقريبا يطرو لارب اي ليتر الا ربع و الملح تخليوه يطيب على نار عالية حتى يبدا بالغليان عاد نقصو النار بحال الشمعة او نخليوه يطيب شي 18دقيقة.
صافي طاب الروز نخليوه يبرد شوية……من نبعد ناخدو المول ديال الفران ندهنوه بالزبدة . الروز نقسموه على3 نحطو الجزء الاول و نوزعو عليه الفروماج محكوك و الجلبانة و اللحم المدخن نحطو الجزء الثاني من الروز او نحطو البيض مسلوق مقطع دوائر و الصوصيص و الزيتون دبا الجزء الثالث و الاخير كنحطو الروز لي بقى كنخلطو البيضة و الحليب او نخويوه على الوجه نحطو قطع من الزبدة مفرقين او ندخلوه للفرن 10 دقائق او هاهو واجد.
في هذا الطبق ممكن تبدلي مثلا الجلبانة بالجزر او …….
كنتمنا تجربوه اختم mounia maaroufi بالصحة و الراحة

---

;vhjhk fhgv,.

وعليكم السلام ورحمته وبركاته
الله يعطيك الصحة اختي طريقة جديدة

باراك الله او فيك حبيبتي ان شاء الله تجربيه و يعجبك

الله يعطيك الصحة

تسلمي حبيبتي

شكرا جزيلا عزيزتي على المرور الطيب

سلمت يداك اختي

تسلمي لي حبيبتي ام اسعد

tbarkalah 3lik