بتاريخه
السلام عليكم
وصفة تتجي رائعة و اللحم تتجي زبدة
المقادير
كتف الغنمي
زيت الزيتون
الملحة و الابزار
5 تومات
الروزماري او اليزير
الطريقة
نحيدو الشحمة الزايدة من الكتف و نديرو خطوط بالموس ندخلو التومات قالشقاق ندهنو مزيان بزيت الزيتون و نديرو الملحة و الابزار و اليزير.
نخليها ليلة فالتلاجة .
نلويوه مزيان بالالمنيوم نديرو فشئ طاوة دالفران و نديرو شوي دالما فالطاوا. 4 سوايع على درجة متوسطة. ملي يطيب نحيدو ليه الالمنيوم و ندهنود بالزبدة و نحليوه باش اتحمر من الفوق
الكتف الى طاب ماتيبقا فيه ولا تيصغار و تيحشم فخاصنا نديرو على حسب الاشخاص انا جاو عندنا 6 دالناس و انا وراجلي هي 8 شريت 2 كتاف متوسطين.
اوا السر كلوووووو فهادا خصنا نبقاو نقيسو الحرارة ديال الكتف باش متجيهيش السخانة و ينشف لنا وا يبقا فيه مايتكال هههههايوو
ملي يوصل لحرارة 85 درجة نعريو عليه و نخليوه يتحمر اوا بالصحة و الراحة
;jt hgykld g’vdrjd vhhhhhhhhhhhhhzu ;ft
تبارك الله عليك اختي سارة
تم التقيم والتتبيت