المقادير الكيكة
انا درت وحدة فيها 3 بيضات +كاس زيت+كاس دانون+ كاس حليب+بودرة الشكولا السوداء+3 خمارات+الطحين على حسب + كاس سنيدة
الكريمة درت 1 بكية كريم بتسيير فريزمع نصف لترحليب
منين بردات الكيكة قسمتها على 2 سقيتها بالما ديال اناناس مغلي مع السكر خليتها ترتاح شوية عاد درت عليها الكريمة و اناناس و حطيت النص التاني ودهنت الوجة و الجناب بالكريمة
مقاديرعجين اللوز
نصف كيلو لوز منقي و بايت ففوطة ليلة كاملة من بعد شعلت الفران على 180 درجة حتى سخن و دخلت اللوزفطاوة و هبطت الحرارة حتى 50 درجة و خليتو ينشف مزيان و لكن ردي بالك باش يبقى بيض منين ينشف خليه يبرد و طحنيه فمولنكس مزيان حتى يولي بحال الطحين و ميتعجنش بحال اللوز ديال الكحك و الكعاب كتزيدي عليه نصف كيلو سكر صقيل سبيسيال و معلقة زيت عادية و معلقة و نص ديال الكليكوز مسخن فالبوطة و تجمعيهم بالما الي مغلي مع السكر خدمي بيديك عركيها مزيان حتى تبالك ولات شادة راسها من بعد ديري اللوان الي بغيتي ومنين تبغي تطلقيها ديري ميكة منتحتها باش متعدبكش
وشكرا ليكم بزاف كنتسناكم تقولولي رايكم
ام رياض
r,g,gd ;d[hj;l ih] hgpg,m ]vjih glhlh kihv hgsfj hgsff
السلام عليكم ورحمة الله وبركاته
تبارك الله
يريت تكبري الصور باش نتخشا فيهم هههههههههههههه
غزالة، تبارك الله عليك، الله يخلي ليك الميمة الغالية العزيزة٠
تبارك الله عليك أختي الله يعطيك الصحة