♥ قطايــــف بالمايزينــا، سهلة التحضير من مطبخــــــي

مرحبا با احلــى انيقات
كيفكــــم، يارب تكون احوالكم طيبة

هادي مدة وانا كنقول نزل هاد الوصفة
سهلة، بسيطة، والاهم انها لذيذة

ورقة البسطيلة
>> حوالي 5 او 6 ورقات
تشكيلة من الفواكه، ما توفر عندك
انا استعملت الموز، الخوخ، تفاح
لتر حليب 4 ملاعق كبيرة سنيدة
>> ممكن نقصو او نزيدو حسب الذوق
مايزينا حوالي 40 غرام
>> استعملت عيني ميزاني حوالي 3 حتى 4 ملاعق كبار

اول شيء نبداو بمايزينا

نخلطو مايزينا وسنيدة مزيان

نعملو الحليب فوق البوطا ثم نضيفو ليه مزيج مايزينا والسنيدة

نحركو مزيان وبشكل مستمر باش ميتكثلش لينا الصوص

منين يبانو هاد الفقاعات نزولوها من فوق البوطة ونخليوها تبرد

نقليوها في زيت تكون سخونة

انا قليتها في الطاجين للي كنصوبو فيه الحرشة لانه كبيرة وغيتساع لورقة البسطيلة

وهاهي بعدما تقلات وضعتها فوق الورق النشاف

غسلتهم مزيان، وقشرتهم

قطعتهم طريفات صغار
>> بامكانك تزيدي ليهم ملعقة من عصير الحامض باش ميتأكسدوش

نجيبو ورق البسطيلة للي قليناهم

نوضوعها في طبـــــق

نعملو فوقها طبقة الحليب بمايزينا

ثم طبقة فوقها من الفواكه

نغطيوها بورقة اخرى من البسطيلة

ونكرر العملية اربع او خمس مرات
حسب عدد الورقات للي قليناهم
>> المهم منكثروش باش متجيش عالية

و آخر ورقة من البسطيلة منديروش فوقها مايزينا
ندخلوها مباشرة للثلاجة باش تبرد

ومنين نبغيو نقدموها نقوم بتزينها بالسكر كلاصي والكاكاو او كاوبيل