قصتي مع الرضاعة الطبيعية .

باسم الله نبدا القصة بدون مقدمات فاش كنت حاملة كنت كنتمنا من الله أني نقدر نرضع ولدي ولا بنتي حولين كاملين لما في حليب الأم من منافع لا تعد ولا تحصى المهم ولدت على خير وفالليل حاولت جاهدة نرضع ولدي حيت صدري صغير مكانش كيوصلو مزيان و الراس مكانش خارج كانت معايا ماما و خواتاتي كيعاونوني وحدة تكاليني من ظهري و الأخرى ديرلي خدية تحت عنقي ووحدة شادا ولدي وتقربولي للثدي والو ماقدرش يشد الراس لكن ميأستش طلبت منهوم يمشيو يجيبولي الريوس ديال السيليكون من الصيدلية و داك النهار كان الأحد يعني خاص صيدلية الحراسة الحمد لله لقاوهوم وجابوهوم درتهوم لكن منين كيجي ولدي يرضع كيتحيدو وبقيت كندعي و نطلب الله ونبكييييي وبعد المعاناة أتى الفرج الريوس بانو و ولدي رضع شوية واخا الحريق ديالهوم كولشي يهون منين ولدي قدر يرضع إحساس رااااااااااااااااااااااااااااااااااااااااااائع منين رضع مني الرضعة الأولى … لا يووووووصف رجعت للدار و فكل مرة كنبغي نرضعو نفس المعاناة كتعاود مع تواجد الفريق المساعد كنبقا معاه نصف ساعة تقريبا باش يشدها و منين كيشدها كيرضع 10 دقائق وينعس ومكيبغيش يفيق كدوز نصف ساعة أو أقل ويجيه الجوع ونعاودو تاني ………. بعد 10أيام ديناه عند pédiatre ولقات أن الوزن ديالو ناقص حيت مكبشبعش وبقا معايا راجلي حتى قنعني نزيدولو الحليب الإصطناعي قالي غير نعاونوه بيه باش يزيد شوية فالوزن جاتني حسسسسرة منين صاوبلو أول رضاعة…. وبقيت نبكي خصوصا منين كنشوف حوايجي فازكين بالحليب وهو كيرضع الرضاعة واخا هاكاك بقيت مصرررة نرضعو مني كثر رغم أنني بعد كل رضعة كنوض بعنقي منمل عليا و اليد للي كنكون ناعسا عليها مكنبقاش نحس بيها من بعد مبراولي لغراز بديت نكلس شويا لكن مشاتلي الشهية فمرررررة ومبقيتش ناكل ونقصلي لحليب , ولليت فينما نديرلو البزولة فمو كيدور وجهو ويغووووووت ولف الحليب لاخور و مبقاش بغا يرضع مني . وخا هكاك ميئستش و جربت نجر لحليب بالمصاصة ونديرولو فالرضاعة وبعد يومين فقت متحمسة كالعادة باش نجر الحليب ونعطيه يرضعو… تفاجأت……… الحليب قلييييييل جدا و هديك كانت آخر مرة شفت فيها حليبي والله أعلم بنفسيتي … رجعت نتعصب على أتفه الأسباب ،حتى من راجلي للي صبر معايا مدة الحمل كلها و النفاس وبعد النفاس.. حررت عيشتو مسكين هدي سيمانة ديت ولدي للتلقيح وشفت العيالات كيرضعو ولادهم طبيعي و أنا ولدي نفرلي البزولة . إحساس رهيييب ، عيني غرغرو بالدموع وتزيرت . مكرهتش نطج لشي بلاصة بعييييييدة… منين رجعت للدار بكييييت وبقا راجلي يصبرني ويقولي صافي راه رضع داكشي للي كتاب ليه وما شاء الله قدر و فعل قصة مانتمناها لحتى وحدة فيكم والحمد لله على كل حال

rwjd lu hgvqhum hg’fdudm>>> hg’fdudm

معرفتش اشنو نقول ليك المهم هو انكي استعملتي جميع الفرص باش ترضعيه ولكن مكتابش الله يحفظ ليك ولدك ويجعلو من صالحين

المشاركة الأصلية كتبت بواسطة emme israa معرفتش اشنو نقول ليك المهم هو انكي استعملتي جميع الفرص باش ترضعيه ولكن مكتابش الله يحفظ ليك ولدك ويجعلو من صالحين شكرا أحبيبة على اهتمامك بقصتي الله يحفظ ليك بنيتك يا رب

أختي حتى أنا دازت عليا ف الشهر الاول ، ما عرفتش نرضع وتعصبت ، الولد كيبكي بجوع وأنا كنبكي بالفقصة د الرضاعة ، ولكن ما أستسلمتش وخى عندي حليب الفرمسيان ف الدار عطوه لينا ملين الاشهار ،ولكن قلت لا ، حاولت وحاولت وطلبت ليساعدني ، والحمد لله وفقني الله وشدها ليا وخى لدابة كيضرني شي مرات ، نتي ضيعتيها مني عطيتيه حليب الفرمسيان ف الرضاعة،مايبقاش فيك الحال ، إن شاء الله تعوضي ف بيبي أخر ب ادن الله

حمدي الله كثييييييييييير لاني وقع لي بحالك غير انا نهار شدات لي بنتي بزولتي بعد 12 يوم من المدابزة معاها جاتني جلطة في الدماغ وصبحت في السبيطارات ومنعوا علي الرضاعة الطبيعية بسبب الادوية اللهم لك الحمد

اختي راه ماشي غي نتي معندك لاش تفقصي داكشي اللي دار الله ,,,,, تانا بحالك كنت كنقول غنرضع بنتي عامين كاملين ,,,, نفس المعانات مريت بها تانا مكانش عندي الراس وكل واحد فين كيشد معايا منين كترضع غي شوية مكتشبعش حيث كان قليل ,,,,جربت كلشي المصاصة كنجبد والو وزدتليها الحليب الاصطناعي حيث مكانتش تنعس لا الليل لا النهار والطبيب ديالها قالي خاصها تشبع وباش الصرة متخرج ليها,,,,, المهم عانيت فالاخير بدات تولف ترضع من الزولة والى معطتهاش ليها تبدى تبكي,,,,,, ومنين دارت 3 شهور نفرتها ليا مبقاتش تبغيها ليا عييت معاها حتى مشى الحليب ونشفو بزازلي ,,,,,,, مديري بالك والو راه غي داكشي اللي رضعوه كافيهم بقوة الله ,,,,, الله يخليلك وليدك وتشوفيه كيف تمنيتي

salam akhti layahfadlik waldak w tchofih kif bghiti merci hit dkarti had lmawdou3 ana rani matkhawfa bzef hit maba9a walo w nawlad waldi inchalah lmochkil dyali ana bzazli hta ana sghar w m3a lahmal matzadouch w khayfa lanal9a so3oba f rda3a wala maykonch lahlib laydir lifiha lkhir okhlass natmana chi okht tfidni bchi nassiha lah m3akom

بقيتي فيا بزززاف أختي ، المهم نتي جمييييع الحلول ، ودرت لي عليك والزيادة ، ماتفقسيش صافي كيما قال راجلك راه رضع لي مكتاب ليه ، وولدك نفر البزولة لحقاش جاه الحليب ديال الفرماسيان أحسن وحلو ، وساهل ماهل يعني فيساع يخرج ، على هاد الشي الرضع غير يدوقوه صافي ينفرو البزولة ، لحقاش هي صعيبة وكيديرو مجهود كبير باش يجبدو الحليب ، ان شاء الله ربي يعوضك وترضعي خوه ولا ختو في المستقبل

المشاركة الأصلية كتبت بواسطة أحبك موت حبيبي salam akhti layahfadlik waldak w tchofih kif bghiti merci hit dkarti had lmawdou3 ana rani matkhawfa bzef hit maba9a walo w nawlad waldi inchalah lmochkil dyali ana bzazli hta ana sghar w m3a lahmal matzadouch w khayfa lanal9a so3oba f rda3a wala maykonch lahlib laydir lifiha lkhir okhlass natmana chi okht tfidni bchi nassiha lah m3akom لا أحبيبة ماتخافيش ، حجم الصدر ماعندو علاقة بالحليب واش يكون كثير ولا قليل ، كاين لي صدرهم قداش ماشاء الله مافيهمش الحليب ، وكاين لي صغير وعامر ماشاء الله ، المهم نتي من دابا تبقاي ديري تماريب باش تخرجي هداك الراس ، وقبل ماتعطي ولدك يرضع ، خرجي الراس بيديك ويكونو مغسولين مزيان ، باش يشدو نيشان ماتعذبيش ، والله يكون معاك

أختي أناحاسة بيك بزاف فاش قريت قصتك بقيت في وهاد المعانات حتى أنا مريت بها فولدي الأول والبنت اللي موراه مكانش عندي الراس ومشقوق وكيسيل بالدم ولكن فالبنت الثالثة قررت منشريش الحليب الحمد لله خرج لي راس البزولة بعد معاناة لمدة شهر ديال الوجع ,لي بغيت نقول متعصبيش راسك أنت درت جميع المحاولات وراه في كل مرة كتعطي لولدك البزولة كلما كيكتر الحليب