قصتي مع الحمل والمرض نفسي

بسم الله الرحمان الرحيم
اولا نعاودلكم ظ‚طµطھظٹ مع المرض النفسي والحمل
المهم نبدالكم من الاول انا تزوجت ف 2024 وما حصل ط§ظ„ط­ظ…ظ„ حتال 2024 مع العلم انني حتى داويت عاد حملت المهم ملي حملت فرحت واحد الفرحة ما لها متيل متصورتش انني غادي نفقد الجنين المهم داز الشهر الاول التاني التالت الشهر الرابع اجهضت و حاولت نكتم فنفسي ومانبينش لواليديا حيت كانو فرحانين اكتر مني المهم كنبكي غير فالمرحاض و لا الى نعس كلشي وقدام ناس كنبين انني مهمنيش المهم داز هدشي عاوت قلبت على ط§ظ„ط­ظ…ظ„ وبقيت 14 شهر عاد حملت بولدي انس الله احفظو ليا المهم ملي حملت و انا كنقول راه غادي نجهض المهم انني كل سيمانة ايكو غرافي كنبقا كل ساعة نقيس كرشي المهم ملي بغا تبداني الحالة كنت دارت ربط عنق الرحم باش ميطيحش لي البيبي وجيت سافرت لدارنا كنت ناعسة فصالون مع ديك 1 نتاع ليل نضت فمي ناشف كانت عندي 5شهور مشي شربت و هو غير نزل الماء مع حلقي ونشف عاود فمي نشف مبقا فيه حتى نقطة دريق شوية بدا صدري كيتزير وانا بكريشتي طلعت ف 2 دليل كنجري لفوق القبة نتاع الدار ماما بقات تغوت وتعيط انا مشيت فوق دار قلبي بدا يضرب بلا قياس ماما بقات تقولي زلي لطيحي من فوق صطاح ديك نزلة لنزلت لقيت صطل نتاع الماء بايت فصطاح هزيتو بتقلو كبيتو عليا من راسي حتال رجلي و قلبي كيضرب و ولدي فكرشي كيتحرك بزاف صافي مشيت جلست فوق واحد الكرسي كنبكي كنبكي وحاشاكوم البولة صافي مبقاتش باغا تحبس نهائيا فحوايجي و فالرض بقيت هكاكا بابا كيقرا عليا القران كيتهدن قلبي غير اسكت القران كنتخنق وبقا يضرب قلبي صافي وصلات ربعة صباح داوني ليرجونس قالي طبيب وتقول واش عندك شيحاجة دارولي شوية دلوكسجين صافي من داك نهار بدات معاناتي مع ضيق الصدر و الاختناق لدرجت ان بابا داني ايرجون لمراكش داني لكلينيك دارولي جميع التحاليل ولقاو كلشي مزيان صافي طبيب عيط لبابا قاليه عندها مرض ظ†ظپط³ظٹ ملي فات وقع ليها اجهاض دابا فها الخوف لتفقد ط§ظ„ط­ظ…ظ„ المهم قاليه معندنا منديرولها هدر معايا طبيب قالي متخفيش راه غير نفسيا صافي بقيت هكاك كنقرا القران و نصلي فالوقت و نستغفر الله بقاو كيقابلوني ديمة بليل حتى دخل شهري وقلتلهم والو فتحولي نحط ولدي حدايا عاد نبرا صافي ولدتو فلول نتاع التاسع و دابا الحمد لله باقي فيا شوية نتاع الخوف خاصتا الى شفت ولدي فيه غير ادنا حاجة كنخاف عليه ولكن دابا كنستغفر الله ومكاين محسن من طريق الله للتخلص من الضغوطات النفسية

---

rwjd lu hgplg ,hglvq ktsd hg[lg ,hgHvq

اختي اولا مبروك عليك وليدك الله يحفظوليك.ثانيا حاولي اختي تحيدي منك الوسواس وخلي ولدك يكبر فراحتو .راه ربي هو اللي تايحفظ.نساي الماضي انا فايتلي قريت قصة واحد الاخت اجهضت9مرات هادي مسكينة شنو دير.اختي ا الاجهاض هو اختبار من الله عز وجل يقيس به مقدار الصبر على حكمه .فانسي الامر وعيشي فرحتك بابنك.واكثري من الاستغفار

مبروك عليك وليدك الله يحفظوليك

salam khti mabrouk alik lwliyd lah ihfdo lik o tfrhi bih ama dakchi li aawdti lah ichafik o ichafina hta ana aandi marad nfssi makhlit tahalil wala tkhtit lkalb hta ghodda darakiya drtha walakin mn baad aarft wach marad nfssi ana kanktb lik o kantkhnk o sdrri tkil 3liya lah ichafina

على سلامتك اختي رها قصتك قريبة القصتي

على سلامتك أختي حت أنا تتوقع لي بعد مرات كيتزيار علي صدري من داخل ونحس بسخونية بلحق أختي غير كتفتني لحالة كنوضأتوضه ونصلي نقرا كتاب الله ولحمد الله بدات تنقص الحالة الله. ychafik

اختي اله يشفيك حتى أنا عانية من هاد الاحساس فالحمل و مزأل كنعاني مخليت حتى طبيب و معندي والو

ماغادي يفهم غي الي داز فنفس الامر………..انا جلست 5 سنين فيها تاخر حمل واجهاضات ومليت رزقني الله نعسات بنتي مور 3 ايام د الولادة فكلينيك الاطفال مدة 7 ايام عمر مابغات تنسى لي ديك المعاناة …ومن تم انقلبت حياتي ليومنا هدا….و هنا رزقني الله للمرة التانية لكن عمرني ماقدرت نرجع راسي كي قبل من انسانة متفائلة ضحكوية فيها حسن الظن الى النقيييييييييض تمااااما ……..ومعرفتش اني كان نعيش اكتئاب حتى دازت عامين كي بديت العلاج حملت للمرة التانية وهنا للان اعاني وياللله قررت اليوم ناخد موعد مع طبيب نفساني لان كل من حولي طلعت ليهم فراسهم وجي تنظن ولاو يشوفوه يجهم النكد و كانني الوحيدة لي والدة فدنيا………الله ينزل علينا العفو من عندو

ام فارق هدشي راه كثر الله احضر السلامة