هاني جيت نعاود ليكم قصه ط§ظ„ظˆظ„ط§ط¯ظ‡ ط¯ظٹط§ظ„ظٹ ظ„ط¨ظ†طھظٹ ط§ظ„ظ„ظ‡ ظٹطظپط¸ظ‡ط§ و يخليها لي يااارب.ماعرفت منين نبدا ههههه المهم الوجع بدا يجيني من الثامن مشيت للطبيبه لقات الراس نااااازل و الوالده بدات تحل لزماتني الراحه حتى يدخل شهري داكشي اللي درت و غي دخل شهري عطيتها للمشيه و الماتشات هههه و مرة مرة بوركابي يعاوني فالحركات المهم اطول شهر هو الشهر التاسع ط§ظ„ظ„ظ‡ يسمح لينا من الوالدين ,بلا مانطول عليكم هههه داك النهار خرجت مع الميمه و تمشيييييينا نييييييت رجعنا تعشينا ومشيت نعست ماحسيت بواالو و بقيت نهدر انا و بوركابي قلت ليه ماكرهت نولد اليوم تسجل بنتي ف 1نونبر و هو يقولي لا لا غتولدي ف 2 و نعسنا لعبنا ماتش قلت ليه هدا الاخر ليك هههه وصلات 4دالصباح فقت لقيت راسي كنين شدني الوجع تحت كرشي و ظهري و درت قويلب سباسفون و الوجع بدا يزيد صافي عرفت ساعتي قربات بقيت هكاك حتى للصباح مع 10 ماقدرتش نصبر دوشت ومشينا للسبيطار قلبوني لقاو الخابيه محلوله غي ب2سنتيم ياحسره شحال تمشيت. قالولي سيري تمشاي مزيان و رجعي مع 2 جيت بقيت نتمشى مع بوركابي و كنقرى الادعيه و القران و الوجع كيزيد و ينزل ليا مع رجليا بقيت ندعي مع المنتظرات باساميهم-تجمع سمسمه-اللي مقبلين على الحقن و الحوامل و قلت اناقه كاااامل ههه.. بديت نحسب بين الوجعه و وجعه 5دقايق قلت ليه صافي نرجعو ,مشينا عاود للسبيطارقلبوني لقاو الوالده ماتحركاتش من 2سنتيم مابغاوش يشدوني رجعنا عاود بقيت نتمشى مي خفيف دقه دقه و جاني واحد النعاس بنييييين فرشت حدا واحد الدار و نعست يفيقني الوجع يمشي و نعس حتى ولا يجي كل 2دقايق و حشاكم البول غي شويه و يجي و صعيب, حسيت بشي حاجه نزلات لقيتها السداده..رجعت للدار كليت العسل شويه سمعت بشااااخ السقيه طرطقات تخلعت مشيت للطواليط حشاكم خويت الكريشه باش ماندير شي فضيحه مني نولد هههه الناس فالناس و القرع فمشيط الراس.انا كنزحم و الميمه كدق عليا ماتزحمي لاتولدي تما,,, خرجت مشينا وصلت دخلوني و بديت نزحم تقولي القابله وقفي نوقف و نتنفس زحمي نزحم غي شافت الراس قالتلي زحمي طويييل زحمممممممت و خرجات بنتي الحمد لله اقسم بالله داك الوجع كاااااااامل نسيتو ملي سمعتها و شفتها وبقيت نحمد و نشكر ط§ظ„ظ„ظ‡ باعلى صوتي حطاتها حدايا خلاتني شويه و رجعات حيدات لي الخلاص و انا نقوليها عفااااااااااك ديري ليا البنج و خيطي صدماتني قالتلي را مادرتش ليك الغراز كاينه واحد القطيعه مي صغيره ماتحتاج تخيط غي النظافة و تجمع فرحتي ولات فرحتين و لله الحمد لبسوني و لبسو بنتي و طلعوني لبلاصتي مع ملاكي الحمد لله .
للاشاره ماغوتش الغوات كيدي الجهد , انما شنايفي كليتهم خليت فيهم الاثر و تنفخو هههههه
واقيلا مانسيت والوو
سمحولي طولت عليكم
rwm hg,gh]i ]dhgd gfkjd ifm hggi dpt/ih dhhhhvf
"سمحلي اختي بواحد الملاحظة معجبتنيشي منك كلمة بوركابي اللي كتقولا على زوجك راه ربي يحاسبنا واعتدر مرة اخرى"
و الله يحفظ ليك بنيتك و يرزقك ان شاء الله باش تخاويها