قاعة متنقلة للافراح والمناسبات

---

rhum ljkrgm gghtvhp ,hglkhsfhj

انا معارفاش احبيبة ان شاء الله يدخلو البنات و يفيدوك حتى انا بغيت نستفسر على ثمن ديالها في مدينة مكناس ، قولي لينا انا مدينة حيت كل بلاصة و ثمن ديالها
الله يسر ليك اختي

اختي على حساب الديكور و الطبالي لي بغيتي بنت خالتي كراتها ب 5000 درهم ب الطبالي 25 طبلة لكن الديكور ماشي شي حاجة حيت كان اللي تايحسبها للمتر راه كتقام بكثر من الثمن ديال قاعة

نااااااااااااري هدشي غالي هههه انا راه غير لخنات اما دارنا من داخل داكشي الفيلالي لقديم بحال شكل الرياض

انا اختي من الريصاني ولكن مكينينش عندا بغا نجيبها من الراشيدية

الناس كايقلبو على القاعات تقليدية و نتي بغى ضيعي فلوسك ف هادشي ، الا كانت داركم كبيرة و فيها داكشي تقليدي لاش تعدبو في القاعة المتنقلة و لي بان ليك انا لو منك مانديرهاش ، و لكم وآآآسع النظر هههههه ^^ تقبلي مروري اختي

أختي عاد يالاه درناها في عرس خويا في مارس ، ولاكن زويييينة حسن من هادي لي حطيتي ، فيها الموف فاتح والأبيض ، وداك الشي الداخل كلو ريدويات رقاق زوييينين ، والثريات 2 ، والزرابي بلديين في اللون الأحمر ، هاد الشي في مارس تقامت علينا 2500 درهم بوحدها بلا طوابل بلا والو ، وعندهم نهار كامل من الصباح لليل غير باش يكملو البني ديالها ، المهم بالطوابل والكراسي قولي 3500 درهم 8 طوابل، وفي الصيف كتكرا حتى 5000 درهم بلا طوابل ، وكل مدينة وكيفاش ، حنايا من بركان الجهة الشرقة نتمنى نكون فدتك

الل يكمل بالخير اختي
هو تمن هاد القاعات المتنقلة في الايام العادية ماشي بحال الصيف و العطل
في اوقات لي كيكترو فيها المناسبات كيغلاو بزاف
حنا في اسفي القاعة فقط ممكن توصل ل 4000 درهم و بلا طبالي بلا والو غير القاعة واقفة و كتشد ليهم الوقت اما الديكور فمن اختيارك و الممون هو لي كيجيب ليك الطوابل.كتافقي معاه على شحال من الناس عندك و شحال من ميدة غادي ديري

و مادام قلتي داركم كبيرة من الاحسن ديريها فيها و جيبي شي واحد يدير ليك ديكور زوين بحال الورد مثلا و اقتاصدي هههههههه