في 2024 – 12 -09
السلام عليكم أخواتي
بغيت نشارككم بهاد الوصفة نتمنى تعجبكم
على بركة الله نبداو المقادير
غادي نحتاجوا للعجين مورق
بصلة مشلضة رقيقة
شوية كروفيت (الحشو كيبقى اختياري حسب الرغبة والموجود)
شوية زيت ملح ابزار خرقوم
شوية فرماج محكوك للتنزيين نسيت مصورتوش
الطريقة :
غادي نطلقوا العجينة ونقطعوها بشكل دائري ب 2 مراشم واحد أصغر من الثاني
كنقطعو 2 دوائر بالمرشم الكبير ونعاودو نرشمو الدائرة الأولى بمرشم أصغر بااش تولي خاوية من الداخل (الصور كتوضح أكثر)
ندهنو الدائرة الأولى بالبيض ونحطو فوقها الدائرة الثانية ونوضعوها فطاوة وندخلوها للفران
فهاد الأثناء نوجدو الحشوة ديالنا
كناخدو مقلاة نوضعو فيها البصلة والربيع والزيت ونخليوها تشحر مزيان ملي طيب نزيدو الكروفيت والملح والابزار والخرقوم نخليوها شوية ونطفيو عليها
ملي طابت العجينة ديانا نعمروها بالحشو ونرشوها بشوية ديال الفرماج ونرجعوها للفران تحمر شوية
وبالصحة والراحة
نخليكم مع الصور كتوضح كلشي
t,g H, t,k vol au vent f’vdrjd
المشاركة الأصلية كتبت بواسطة المرضية في الجنة 
الله يبارك فيك أختي
المشاركة الأصلية كتبت بواسطة toba الله يبارك فيك أختي
مع احلى تقييم
تبارك الله على الحادكة ديالنا عاش من شافك الحبيبة إيوا من نهار دفنوه مزاروه ههههههههههههه توحشتك و توحشت لمتنا الغالية
كيف الحال و الاحوال معاك ياكي كلشي هاني، هادي مدة متواصنا ياكي هههههه الله يستر كلشي مجلي ههههههه
المشاركة الأصلية كتبت بواسطة ريم 2024 مع احلى تقييم
الله يبارك فيك مشرفتي
شكرا على التقييم والتتبيث
المشاركة الأصلية كتبت بواسطة أمري لله تبارك الله على الحادكة ديالنا عاش من شافك الحبيبة إيوا من نهار دفنوه مزاروه ههههههههههههه توحشتك و توحشت لمتنا الغالية
كيف الحال و الاحوال معاك ياكي كلشي هاني، هادي مدة متواصنا ياكي هههههه الله يستر كلشي مجلي ههههههه
وعليكم السلام حبيبتي عائشة الله يبارك فيك
الحمد لله كلشي بخير هاد الساعة حتى ـنا توحشتك وتوحشت با حسن هههههههههه باين لية كلشي ملهي مع الدخول المدرسي كلشي غايب
ان شاء الله نرجعو كيف قبل
أحبك في الله غالتي