السلام عليكم ورحمة الله وبركاته
مبرووك عواشركم ورمضان مبارك يدخل عليكم وعلى كل الأمة الاسلامية بالخير والبركة والله يجعلنا وأياكم من العتقاء
جاتني هاذ الفكرة وقلت علاش منقتارحهاش عليكم ونشوف اشنو بانليكم
المهم وكيما تيقولو في التنمية البشرية اصنع من ط§ظ„ظ„ظٹظ…ظˆظ† ط´ط±ط§ط¨ط§ حلوا
أنا بغيت نحول هاذ المثل لعالم الطبخ ونحاولو نجمعو نصائح ونتبادلو أفكار باش منرميوش الحاجة ليمصدقاتش لينا انما نفكرو فحلول ترقيعية لي غنحولو بيها خسارة الى ربح هههه
جاتني هاد الفكرة بعدما صيبت واحد الكيكة ليوم وكنت تنتسناها تصدق ورسمت ليها فعقلي آمال وأحلام ولكن تهدمت الاحلام وسقطت الأمال ملي خرجتها من الفران ولقيتها في حالة يرثى لها …حسيت بالصهد بوذيناتي حيث عولت عليها ومبقا والو للمغرب يآذن ايوة وأنا نقول لااااااااااااااااااااااااااااااااااااااا للاستسلام
بقيت تنفكر شنو غندير وهي طيح لي فكرة خصوصا ان الجو سخون
قطعت لكيكة طريفات صغار بزاف باش ميبانش العيب المستخبي وستفتهم في زلايف ديال الكلاص ثم صيبت كريم باتيسيغ وخويتو على قطع الكيك وعاودت درت شوية من الكيك ثم الكريم ومن الفوق زوقت بشكلاط محكوك ودخلتهم للثلاجة وصيبت عصير بارد ايوة وقدمتهم كديسير طلعو واااااااااااااااااااااااو مذاق رائع وعوض منرمي الكيكة ليمكان فيها ميتشاف حولتها لوصفة جديدة ولذيذة وهكا كنستهلكو بلا منتهلكووووو هههه
يلاه البنات ليعندها شي تجربة من هاذ النوع تخبرنا بيها باش نجمعو اكبر عدد من الافكار لينستخدموهم في الاوقات الصعبة
اللهم تقبل منا صالح الأعمال
والسلام عليكم
tgkwku lk hggdl,k avhfh pg,h
ضحكتيني تبارك الله
ا
ايوة شاركوووووووووووووووني بأفكاركم
اختي أم البنات كنتمنى تكون صدقات ليك الفكرة وعتقتي الكيك فأخر لحظة ههه
المشاركة الأصلية كتبت بواسطة om al banat 
امين اختي ربي يخليك
ايوة شتي بعدا ملييوم مغانبقاو هازين الهم للحلوة لتخسر غي الى صدقات فبه ونعم الى مصدقاتش كين الحل ههههههه
بصحتكم
الى خسر لكم شي نوع من الغريبة ولادواز اتاي كيما كان كتفرتوه وتجمعوه بحليب مركز ولا بالعسل وديرو منو كويرات صغار تغطسوهم فالشكلاط وتزوقوهم باللوز من الفوق وديروهم فالكويغطات ستعملو حليب مركز غير محلى باش متجيكمش حلوة بزاف صدقوني هادي حيلة كتنفع كانت خسرات لينا واحد الحلوى من شحال هذا ودرنا هكا وكاع لي ضاقها عندنا عجباتو وشحال من وحدة سولاتنا على المقادير انا كنت تنتلفهم ونبدل ليهم الموضوع حيث ملقيت منقول حشومة ههههههههههه
جربوها
ومتبخلوش علي بافكاركم حتى انتوما