فلان بالفاني رووووعة و سهل في التحضير

ثم ثتبت الموضوع بواسطة @ الزهراء @ بتاريخ …..01/03/2019

السلام عليكم ورحمة الله
اخواتي اشخباركم نتمنى تكونو بالف خير .
واخيييرااااا رجعت للمنتدى بعد مقاطعة دامت تقريبا سنة و الاسباب الحمل و الولادة و العيا ولكن الحمد لله على كل حال المهم الصحيحة و السلامة .
و بمناسبة العودة جبتليكم ظپظ„ط§ظ† ساهل ماهل هو المعتمد عندي نديرو فلعرايض المناسبات هو لي كنت درت كدسير فسبوع بنتي و صراحة عجب الضيوف بزااف المهم بلا كثرة بلابلا وندوزو المفيد .

المقادير
بالنسبة للكراميل :
كاس سكر + 2 معالق كبار حامض
بالنسبة للفلون :
لتر و نصف حليب
نصف لتر قشدة طرية
250 غ حليب مركز محلى
4 الى 5 اكياس فلون فاني
من 3 حتى 4 معالق كبار سكر اوحسب الذوق
معلقة كبيرة سائل الفاني
معلقة كبيرة نشا
2 صفار البيض

اولا نديرو السكر و الحامض فكسرونة اولا مقلاة و نديروه فوق نار مهيلة حتى يذوب سكر و يتغير لونو للون الاشقر و نفرغوه فاي مول بغينا و من الاحسن يكون كيتفتح من جنب يكون اسهل منين تبغي تزوليه من المول .

اولا نخلطو السكر مع الفلون و نخليوه على جنب , ناخدو كسرونة و نوضعو فيها الحليب + القشدة الطرية + الحليب المركز المحلى + النشا + الفاني + صفار البيض و نزيدو السكر مع الفلان نخلطو الكل مزيان و نديوه لفوق النار حتى يغلي و نصبوه فالمول لي عندنا فيه الكراميل , نخليوه يبرد شويش من بعد ندخلوه لثلاجة حتى يشد راسو و يبرد .
من بعد نقلبوه فشي طبسيل و نزينوه باش ما بغينا انا زينتو بشويش ديال الكيوي و التفاح و اللوز مقلي ومهرمش نخليكم مع كمالت الصور .