مثبت بتاريخه … ريفية حرة
المقادير عبارة عن
بصلة مكوكة
شوية دالمعدنوس
كنور
تحمرة
شوية دالخميرة
خمارة
2فرماجات
شوية دالزعتر
2كيسان دالزيت
نص كاس دالما دافئ
ملح
والطحين حسب الخليط
كنخلطو المقادير كلها ونحكو كنور ونبداو نضيفو الطحين حتى يتجمع الخليط
هاهي العجينة واجدة
كناخدو بلاستيكة ونحلوها من الجناب ونديرو فيها العجينة ونردو عليها نص البلاستيكة ونطلقو بالدلاك
كندير البلاستيكة على دراعي ونحيد الوجه الثاني دالبلاستيكة
ونقلبها فالطاوة مدهونة بالزيت
كنقطعها مربعات صغيرة بجرارة البيتزا
والقنات لي ما قطعاتش لينا الجرارة نقطعوها بالموس.
ما نحتاجوش نفارقو المربعات لانهوم ما كيتلاصقوش فالطياب
ونديرو الفقيقصات يطيبو
وبالصحة والراحة
trdrwhj lhgpdk f’vdrm sigm ,g]d]m
فين حقي؟
لي بغا يديرهم بالدقيق الكامل واش ممكن
تم التثبيت مع أحلى تقييم
المشاركة الأصلية كتبت بواسطة أمة العزيز 
فين حقي؟
لي بغا يديرهم بالدقيق الكامل واش ممكن
بارك الله فيك اختي.غير خوديه بالصحة والراحة عزيزتي
ختي ما عمري جربتهوم بالدقيق الكامل.غير هو فيه البصلة يعني غادي يخصو دقيق لي يجمعو.ممكن تجربيه وتغربلي الدقيق مزيان
بالتوفيق ان شاء الله
المشاركة الأصلية كتبت بواسطة أم رماء و فاطمة الزهراء الله يبارك فيك اختي ام رماء
المشاركة الأصلية كتبت بواسطة ثروتي ديني نعم أختي ثروتي ديني والسر فالما لي فيه كيضيف ليه التقرميشة
المشاركة الأصلية كتبت بواسطة ommohajar الله يبارك فيك اختي ام هاجر