فطورنا لليوم الواحد و العشرين من رمضان . مرحبا

البنات ها أنا جيت و جبت معايا ظپط·ظˆط±ظ†ط§ و ظ…ط±ط­ط¨ط§ بيكم كاملات و كيف ديما أحبكم في الله و يا ربي يتقبل منا صالح الأعمال و يتقبل منا الصيام و القيام و تلاوة القرآن و يعيينا على ختمه و اللي بغات شي حاجة و كان فيها الخير ربي يسر فيها كان فيها شر يبعدها عليها و يرزقها خير منها .. المهم معاونتش ماما فالفطور جاتني الحيض و أنا نضربها بتخميلة للدار يالاه ساليت ولكن هادشي مخلانيش منصورش الطبلة .. نبداو على بركة الله : كان اليوم دجاج معمر بالكبدة و الكرعة و خيزو مرافق ببطاطا فالفران و كان الصوصيص بلاصوص و كان الروز بالخضر و عاد الشنيك والمسمن عامر بماطيشة و البصلة و داكشي لاخور راه معروف .. بالصحة و الراحة نخليكم مع الصور موآآآاح عليكم

---

t’,vkh ggd,l hg,hp] , hguavdk lk vlqhk >>> lvpfh hgkh[p

اتبارك الله اعلى ماماك الله احفظها ليك وطول ليكم في عمرها هي امعركاها

تبارك الله على الوالدة ديالك الله يخليها ليكم

و اللهم أمين على الدعاء و لك بالمثل إن شاء الله

قولي لماماك تبارك الله عليها والله يخليهالك ويخليك ليها اللي ضربتيلها تخميلا لدار ههه

تبارك الله على ماماك والله يعطيها الصحة وشي حجة لا جات على خاطرك عطيني المقادير ديال روز الله يعطيك الخير

الله يبارك فيك أحبيبي اللهم آمين و يحفظك لوليداتك يا ربي و كيف ديما أحبك في الله

الله يبارك فيك أحبيبة و يخلي ليك كل عزيز

الله يبارك فيك أحبيبة و يخلي ليك كل عزيز واياه موالفا يدي بيديها و لكن قلت ماحدي شابعة فكرشي و ما فيا عطش نضور بالدار

تبارك الله عليك الزين الله يعطيكم الصحة والله يعطي لماماك شي حجة وتفرح بك ان شاء الله
ومايكون باس عندك شربي الزعتر راه زوين

الله يبارك فيك أحبيبة الروز أ حبيبة تشدي البصلة مشلضة تشحريها فالزيت حتى تنزل و تزيدي عليها خيزو محكوك و كرعة محكوكة و كنور و البزار و الروز مصلوق و مغسول بالماء البرد و كريم فريش و فاش يطيب زيدي الربيع و فاش يشرب طفي عليه بالصحة و الراحة