السلام عليكم ورحمة الله وبركاته
علاش حنا ط§ظ„ظ…ط؛ط§ط±ط¨ط© فطورنا كلو معجنات, سمحولي ولكن فل مرة تنشوف صور لموائد الافطار ديال اخوات المنتدى تنلاحض غياب الخضراوات, ماين غير بيتزا, بغرير, حرشة يعني الدقيق او صافي, سمحولي ولكن صفة المعجنات ما شاء الله غنية لكن صفحات الخضر والوصفات الصحية تقريبا ميتة لا جديد, 
t’hvkh kpk hglyhvfm ydv wpd kp,
عندك الحق اختي
تاحنا كنا هايداك بالحق هاد رمضان تافقنا باش نديروا ماقل و دل و تانبقاوا نيت خفاف للصلاة و التعبد
تاحنا كنا هايداك بالحق هاد رمضان تافقنا باش نديروا ماقل و دل و تانبقاوا نيت خفاف للصلاة و التعبد
عندك الحق أختي حتى أنا لاحظت بي أن حنا المغاربة منفردين بفتورنا ،أنا من هاد لعام قررت ندير برنامج أخر خفيف على المعدة و جيب و صدقوني ولله حتى كانحيسس بواحد راحة كبيرة
كانويجيد كولشي دقة وحدة يعني حريرة ولا شوربة مع تمر و شبكية ،و بعد صلاة كنحت لماكلا يعني يا إما سلطة و طاجين و لا شي حاجة مشوية و لمهم مكلا نيشان ،من بعد أتاي مع سلو و قبل من سحور بشوية كاناكول أي حاجة فواكه ولا خبيز مع فرماج ولا تمر و حليب ،وماتساورووش أني فعلا حسيت بالفرق مع رمضانات لخرين لي تعب و لفلوس و و حتى لمعدات كاترتاح من كترت المعجنات
كانويجيد كولشي دقة وحدة يعني حريرة ولا شوربة مع تمر و شبكية ،و بعد صلاة كنحت لماكلا يعني يا إما سلطة و طاجين و لا شي حاجة مشوية و لمهم مكلا نيشان ،من بعد أتاي مع سلو و قبل من سحور بشوية كاناكول أي حاجة فواكه ولا خبيز مع فرماج ولا تمر و حليب ،وماتساورووش أني فعلا حسيت بالفرق مع رمضانات لخرين لي تعب و لفلوس و و حتى لمعدات كاترتاح من كترت المعجنات
bent sahra hada hadchi lli goulti houwa nite ftorna f souss
أنا متفقة معاكم
المائدة المغربية تفتقر للخضروات والفواكه، ما كاين غي المعجنات اللي تاتفخ الكرش والمعدة ومافيها حتى شي فائدة، بالعكس كلها مضرة حيت كانلاحضو أن كلشي تايتشكى من المعدة وسوء الهضم
نتمنى من الأخوات يغيرو العادات ديالهم، وما يقولوش صعيب، راه غي لوسواس والحاجة الجديدة ما تانكونوش موالفينها، ما غاديش نموتو بالجوع إلا نقصنا من الاستهلاك ديالنا، إخوانا في الصومال ما تيفطرو ما كايتسحرو ومع ذلك تايصوموا، راه ربي اللي تايعاون أو هاد الشهر راه فرصة باش الجسم تايتخلص من السموم الللي تراكمات فيه على طول العام
نتمنى هاد الشي ما يبقاش غي أقوال بل نترجموه إلى أفعال ورمضان كريم للجميع
المائدة المغربية تفتقر للخضروات والفواكه، ما كاين غي المعجنات اللي تاتفخ الكرش والمعدة ومافيها حتى شي فائدة، بالعكس كلها مضرة حيت كانلاحضو أن كلشي تايتشكى من المعدة وسوء الهضم
نتمنى من الأخوات يغيرو العادات ديالهم، وما يقولوش صعيب، راه غي لوسواس والحاجة الجديدة ما تانكونوش موالفينها، ما غاديش نموتو بالجوع إلا نقصنا من الاستهلاك ديالنا، إخوانا في الصومال ما تيفطرو ما كايتسحرو ومع ذلك تايصوموا، راه ربي اللي تايعاون أو هاد الشهر راه فرصة باش الجسم تايتخلص من السموم الللي تراكمات فيه على طول العام
نتمنى هاد الشي ما يبقاش غي أقوال بل نترجموه إلى أفعال ورمضان كريم للجميع
موضوع زوين و انا متافقة معاكم مائة في المائة
علاش ما يكونش هد الموضوع بداية لاقتراحات لموائد صحية يعني فيها خضر و فواكه و بروتينات
يالاه البنات كل وحدة تقترح اشنو نديرو الفطور صحي بلا عجينة راها قتلاتنا سنين او حنا نعمرو كروشنا بلا فائدة.
علاش ما يكونش هد الموضوع بداية لاقتراحات لموائد صحية يعني فيها خضر و فواكه و بروتينات
يالاه البنات كل وحدة تقترح اشنو نديرو الفطور صحي بلا عجينة راها قتلاتنا سنين او حنا نعمرو كروشنا بلا فائدة.
الاخوات انا متافقةمعاكم, مني تيخرج رمضان تنلقاو الصحة تهلكات او الجيب خوا, شهر رمضان فرصة عضيمة للتقرب اا الله بالعبادة و كدلك فرصة للمعدة باش تترتاح من السموم اللي تنعطويها طول العام, انا والزوج ديالي هادي خمس سنوات او حنا تندوزو رمضان خفيف بدون تفريط, او انا تيبقالي الوقت باش نلعب مع ولادي او باش نعملو شوية الرياضة كل يوم, ماشي النهار او ما طال او حنا مخشيين مالمطبخ, تقول غدا غتبدا الحرب او ما غا لقاو ماناكلو, كاينين بعض السيدات اللي تيجمعو الصلاة لان المطبخ معمر ليهم الوقت
اخواتي هادي فكرة افطار صحي لليوم مثلا, كاس حليب وتمر ثم الصلات, من بعد شوربة خضار هادي عندي كل يوم, ضارري لانها تهيء المعدة بعد يوم كامل من الراحى, سمك او فيلي سمك ابيض بالبلانشا اي مشوي فقطيرة الزيت مع شوية ملح ابزار او لزعتر مهم ماكلة او دوا الزعتر, الكل مرافق بسلة خضار او خضار سوطي مع ليل من الزبدة, او طبعا هادشي كاناكلوه مع طريف دالخبز او لبطبوط, اومن بعد طبعا دائما طبسيل ديال الفاكهة, ياغورت, او راجلي دائما كيشرب كاس كبير ديال شاي بالاعشب, السحور مع الرابعة صباحا حليب, ياغورت او فواكه اللي موجود, نصليو الفجر, نقرا ما تيسر من القران, او نمشيو نعسو بعض الساعات, تنفيقوا خفافاو تنقيلو من داكشي, ماشي ثقال او حامضين او المعدة مسكينة تتغوت بالعداو ههههه
صراحة انا متلفقة معاكم و كنحاول ما امكن باش ندير خضرة و مانساوش راسنا بكترة معجنات ناكل الفواكه و نشربو الماء الله يتقبل منا و منكم
السلام عليكم اخواتي الافطار المغربي مشي كلو غير صحي حيت كل بيت و كيتميز بلمساتو ومقارنةً مع اخونا المسلمين ف افطارنا كيبتدي بنشويات وسكريات بعد الصيام و مكنكلوش أكل دسم من الافطار بل حتى العشاء ف هو فالحقيقة متوازن ادى شفنا الأساسيات أما اضافت مجموعات كبيرة من المقالي والحلويات والخبز بانواع كتيرة هادي هي المشكلة المفروض نقص كميات الخبز والحلويات المقلية ممكن نكتفو غي بالتمر بحدو كحلا وأكيد شوربة الخضر والحريرة بالتناوب وأضن الفواكه راح كنشربو العصير
ف أضن أن المقارنة جات من الموائد العربية ف حين أن هادي الأخيرة غير صحية بما أن الافطار يكون بمتابة عشاء
فلا افطرنا تبارك الله عليه متوازن إدا غيرنا العادات الخاطئة
ف أضن أن المقارنة جات من الموائد العربية ف حين أن هادي الأخيرة غير صحية بما أن الافطار يكون بمتابة عشاء
فلا افطرنا تبارك الله عليه متوازن إدا غيرنا العادات الخاطئة