تبث في 28/03/2019 bent bladi اليوم جربت هاد الغريبة بالنخالة ..و كلنا كنعرفو فوائد النخالة خصوصا الناس اللي كيعانيو من امساك مستمر…المهم ندوزو للمقادير و بلا تفلسيف …ياكو 3بيضات نص زلافة كوكاو محمر ومطحون بقشوره نص زلافة زنجلان محمر و مطحون خمارة حمراء و نص كاس و نص صغير سنيدة كاس و نص صغير زيت النخالة او الحمراء(كل واحد شنو كيسميها) حسب الخليط نخلطو المقادير كاملة ماعدا الخمارة و نبقاو نزيدو شوية بشوية النخالة حتى يتجمع الخليط و ما يكونش قاصح …ندخلوها للثلاجة مدة ساعة و لمل نخرجوها عاد نزيدو الخمارة و نبداو نشكل كويرات و نبسطوها شوية و نقلبو وجهها فالسكر الكلاصي و نستفوهم ف لاطا د الفران نباعدوهم شوية ندخلوهم للفران مدة 10 حتى 15 دقايق …نشعلو العافية دالفران الفوق و لتحت على ما تبدا كتبان كتشقق لكم و اطفيو عليها العافية اللي على الوجه و خليوها تكمل الطياب… اما الناس اللي عندهوم العافية اللي كتحر الوجه لتحت…يديرو الاطا لتحت عاد يطلعوها لفوق تكمل طياب… نتمنى تكونو فهمتوني…بالصحة و الراحة و شي دعيوة دالخير منكم 
yvdfm hgkohgm>hg;h,;h, , hg.k[ghk>>>larrm >g]d]m wpdm g]d]m hg.k[ghklarrm hgkohgmhg;h,;h,
مممممم غزالة النخالة كتجي بنينة فعلا فالحلوة الله يعطيك الصحة 
الله اعطيك الصحة روعة تبارك الله عليك تسلم الايادي
تبارك الله عليك … جاتك هي هاديك …الله يعطيك الصحة
غريبة روعة الصراحة تبارك الله عليك ما شاء الله الله اعطيك الصحة
الله يعطيك الصحة
شكرا اخواتي على المرور الطيب
تبارك الله عليك فعلا غريبة مشقة صحية واكيد لديدة الله يعطيك الصحة ويجازيك بكل خير
مرحبا ابنت بلادي
تبارك الله عليك ويعطيك الصحة