السلام عليكم الغزيولات هانين الصحة لاباس من شحال وانا كنقلب على شي منتدى فيه ريحت بلادي وهانا لقيتو المهم هدي اول مشاركة ليا معاكم نمنى تعجبكم ومتكونش مكررة
هاد واحد لغريبة لي داقها عندي كتعجبو وشحال من فرح صيبتها فيه كتخرج فوق 100 حبة
غنعطيكم غينص المقادير ونتي على حساب المناسبة لي عدك
نص كيلو جنجلان(سمسم)مكلي ومطحون نص كيلو كوك-نص كيلو سكر كلاصي
8البيضات-2خمارات -كاس زيت-قبصة الملح-نقصي شوية من سكر كلاصي للتفناد
خلطي الكل الى جاتك مرخوفة زيدي كميييييييييييييييييشة د الفورص وعلى حساب الكوك واش كيشرب ولالا
المهم مني تبغي تكوريها كوريها صغيرة صغر من حبة المشماش بشوية ومني تبغي تكوري ديري بحال الا كتلكمي لكيمة كسكس حتاش الى تكورات بحال لغريبات لخرين كتجي مدقصة
فنديها فلما زهر وسكر كلاصي وديري لوسط لوزة احطيهم بعااد على بعضهم وطيبيها مكتحتاش طيب بزاف غي تشقق
وحيديها بشوية من لاطة كتجي غزاااااااااالة ومفركعة مغتشبعيش منها حتافضي بيها فسطل كيتسد مزيان
جربوها وردو عليا الخبار راه كاع ليداقوها عندي ولاو يديروها ههه
yvdfm hg[k[ghk ,hg;,;
تبارك الله عليك اختى
ينقل لقسمه
انا شخصيا منين كنشوف الصورة وكتعجبني الوصفة كتبقى مطبوعة عندي فالداكرة باش نجربها ويلا ماكانتش الصورة دغيا كنسى الوصفة والله (الزهايمر ههه)
