غراتا الكريب من مطبخي

السلام عليكم و رحمة الله و بركاته

كيدايرين البنات لباس عليكم اش كتعاودو مع شي برد؟؟؟؟؟

اليوم غادي نحط لكم شنو درت العشاء و نتمنى يعجبكم

يله نخليكم مع المقادير

بالنسبة للكريب غادي نحتاجوا

2 بيضات + 225 دقيق+50 غ زبدة سايحة+ملح+ابزار+ ملعقة معدنوس بفروم + 1/2لتر حليب

نديروا جميع المقادير في الخلاط ديالنا و نخلطوا

و دبا نبداو نطيبو نديروا مقدار نصف مغرفة و نسيحوها على المقلاة حتى تاخذ الحجم ديالها و نحمروها من الجهتين

نغطيوه و نخليه على جنب

دابا ندوزوا العمارة ديالنا

غادي نحتاجوا

كفتة ديال بيبي+نص فلفلة خضرا+نصف فلفلة حمرا+نصف فلفلة صفرا+2 جزر محكوك+شومبنيو طري من الاحسن +بصلة +تحميرة+ابزار+ملح+ثومة غبرة+معدنوس+شوية ديال الحار +صويا+جبن متزرلا + صلصة البشاميل

بالنسبة للعطرية نديروها هي الاخيرة باش ما تحرقش لنا الخلطة

منين يطيب كلشي نصفيوه و نزيدو عليه متزرلا مقطع قطع صغيرة و نحرك باش يذوب لنا شوية

نذهنو لاطة بشوية ديا زبيدة نديروا 2 كريبات

نديروا نصف مقدار الخليط ديالنا

و نكرر نفس العملية

نديرو اخر طبقة ديال الكريبة نديروا فوقها البشاميل و الموتزرلا المحكوك

ندخلها الفرن ل 30 دقيقة او حتى تحمر

و هاهي منين وجدات انا قدمتها مع سلاطة خضراء و زينتها بلوز

و بالنسبة لديسير فدرت دانيت شكولا ديال اختي دمعة الأسحار

https://anaqamaghribia.com/vb/showthread.php?t=12708

جا كيهبل راجلي حماق عليه

و هذا طبيسل لأول وحدة ترد علي

اتمنى انه ينال اعجابكم

yvhjh hg;vdf lk l’fod