السلام وعليكم
أخواتي نتمنى تجاوبوني تساعدوني
راجلي برا نواجادلو larda إيديه معاه الخدمة تردو معاه shabo
وأنا حارت شنو ندير؟؟
نتمنى تعاونون
brit شي حاجة مجربة orzala
يا إما بالحوت فالفران يا إما ب لحم ،
أ شي salade تكون زوينة
أ شي desert حتى هو rzal
كاناتساناكوم ،نتمنى تجاوبوني
y]hx g vh[gd thgo]lm
ديري ليه شي دجاجة محمرة فالفران بيتيها مرقدة فالتشرميلة مع بطاطا سوطي ديك الستيتوة تاتجي هائلة
ولا كان راجلك تايبغي البلدي ديري شي طويجن متول بلحيمة و الجلبانة و القوق تايجي فن و بنين
ايلا بغيتي ديري الحوت ديري شي حوتة لالا مولاتي عمريها بالفيرميسيل و الفطر و القمرون غير شوية و ديري ليها شرمولة العادية و زوقيها بالبطاكا و الفلفل الاصفر و الاخضر و الاحمر و بطاطا صغيرة صاينة و خشيها تتحمر فالفران تاتجي هائلة
و شلاضة ديري كيف قالت ليك الاخت شلاضة غنية و متنوعة جمعي فيها كلشي
ولا ديري هادي تاتجي كلاص و زوينة فالمنظر
شدي لافوكا قطعيها مربعات كبار و الخس غير القلب دياله تاهو و طوماط سريز حلوة تكون ماشي حامضة و خليها صحيحة
و زيدي الفكوس ماااشي الخيار تاهو قطعيه قد لافوكا مربعات
و زيدي الزبيب و الكركاع و التفاح مربعات و خلطي بصوص الخل و ليبزار و الملح و راه مللي تايتخلط مداق الحلاوة بالملوحة تايجي غزااال و مايفهموا فيه والو
و لا زيدي زعلوك يا بالدنجال يا بالجزر يا ديال الكرعة
و ديري صلاذ تانديرها انا تاتجي فنة
شدي ليشو حكيهم فالحكاكة الغليضة و حكي خيزو ديك الحلو تاهو و حكي التفاح الاخضر المحمض و خلطي بمايونيز..ممممم ياسلام وزيدي الزبيب
ولا ديري الروز مع الكروفيت و الفطر تاهي شلاضة زوينة
بالنسبة للديسير ياديري طبسيل مشكل بنان تفاح فريز خوخ ولا شهدية و برتقال
ولا ديري شي طارط راه عطا الله فالمنتدى تبارك الله فنين
ولا ديري شي كلاص نيت من المنتدى و زوقيه بسيكار راه تايتباع رخييص
و كملي بشي عصير صنع منزلي وقته هدا
ماديريهش بالحليب ديريه بالليمون و زيدي بنان و لا خوخ
نتمنى نكون فدتك بافكار