غازات البطن عند الرضيع

السلام عليكن اخواتي هدا شهر باش ولدت من ديك ساعة و انا تانعاني مع ولدي دائما تيتوجع طبيب قالي هادي حاجة عادية عند الرضع. اللي بغيت نعرف واش كاينةطريقة طبيعية لتهدئة الاوجاع . جربت اللويزة و الكمون و حبة حلاوة بعدت على الماكولات اللي تدير les gaz و مازال المشكل كاين. اللي عندها شي نصيحة تفيدني بيها الله يجازيها بالخير.

---

yh.hj hgf’k uk] hgvqdu

اختي سولتي أ جاوبتي على راسك لي خاصك تديريه كاديره ماكاتكليش لي كيديرو الغاز عطيتي لولدك الويزة و الكامون هادسي لي خاصك ديري صافي راه عادي يجيه الوجع أ ماشي دروري اكون الغاز البيبي كيكبر باش اكبرو مصيرناتو عادي اديرو ليه الوجع غير صبري اختي راه عادي و الله اخليه ليه و تفرحي بيه ان شاء الله

ياختي تانا عندي نفس الموشكيل حتال درجة كيبقى يبكي ليا لمدة ستة ديال السوايع ولبارح عاد بقى يبكي ليا من 8 دليل حتال 3 وديك الساعة هزيتو للطبيب وخرجليا وحد السيرو سميتو تريميدا وعاد حسيت بيه شوية وخا مزال بكا ليا اليوم
وتانا مكنت خليت كروية ولا لويزة ولا كامون صوفي ولا النافع ساعة والو ايوا نزيد نتبع ليه هاد السيرو ونشوف على الله
ايوا الله يشوف من حالهم وحالنا

akhti rah 3adi had chi chehal bka waldi maskin o daba elhamdo lilah chwiya hta ana makhlit madart lih hanti kalbih wach mafihch tota miht hta hiya katdir hakdak o aah yjib chifa

شكرا جزيلا على ردودكن اخواتي

السلام اختي الغازات راه عادية فالرضيع تيكملدي 3 شهور هاكاك كانت بنتي بش تخففي من هد الغازات حولي فقما ارضع تكرعه بش اخرجو الغازات من فمو امرا مرا دهني لو البطن ديالو بزيت الزيتون فوق السرة بطريقة دائرية فاتجاه عقارب الساعة وبقي تنعسه على كرشو فوق ارجليك ودلكيلو دهر راه هدشي كل كيخفف من الغازات احجى اخرا بداي تعطي ليه الكمون الصوفي ره زوين لوجع او الله اشاي ليك ولدك و دعيو معايا اشفلي اربي بنتي من الكزيما لفيها ف الجلد ديالها

اختي هاد الشي اللي كنت غادا نقولو ليك قالتو ليك اختي rachida 123 هاد الشي عادي في الشهورالاولى غير صبري حتى تفوت واحسن حاجة حاولي ماتعطيه لا دوا لا والو او فكل مرة رضعتيه حاولي تكرعيه لان هداك الهواء اللي تايدخل ليه مع الرضاعة هو اللي كايسبب الاوجاع هاد الشي علاش خاسك تكرعيه باش يخرج ويرتاح
الله يشافي ليك وليدك اختي ويفرحك به .

سبحان الله اخواتي حتى انا كنعاني من نفس المشكلة مع بنتي ريحانة

و انا باقا ما كملت الربعين يوم بعد الولادة

اسال الله انه يحفظ وليداتنا كاملين
بالنسبة ليا

انا كانعطيعا غي حبة حلاوة و النافع

هادا اللي قدرت نلقى هنا فياسبانيا

واللويزة حتى هي لكن انا خلطت ليها فيه شوية ديال العسل ماشي بزااااف قطيييييييييييييييرة باش تقدر تشربو

و كانلقى معاها صعوبة باش تكرع الله المستعان

الله يسمح لنا من الوالدين

yakhti ila bghiti tgar3ih hazih sadrak ykon m3a sdar dyalo o darbi lih bin ktafo o ila mabghach hotih 3la krcho 3la rkabik o ghadi yatgara3 had chi li kandir li waldi

سبحانك اللهم وبحمدك ، أشهد أن لا إله إلا أنت أستغفرك وأتوب إليك