السلام عليكم ورحمة الله وبركاته
أخواتي بغيت نسقسي على النظام اللي من المفروض النفيسة تمشي عليه ففترة النفاس باش تحافظ على المنطقة من البرودة وتخليها ناشفة ومشدودة وشني تقدر تشرب من الأعشاب بحيت متأترشي على الرضاعة الطبيعية
وعندي سؤال اخر الله يجازيكن بخير انا كنحس بألم فمنطقة الفتحة البولية أعزكم الله ماعنديشي حريق البولة ولكن كنحس باللي ديك المكان طايب مع العلم أنني ولدت طبيعي لله الحمد
كنتمنى من الأخوات المجربات يفيدوني وشكرا مقدما على الرد
اللهم كما حفظت كتابك إلى يوم الدين إحفظ دريتي من الشيطان الرجيم
uk]d ‘gf ;djugr flvpgm hgkts Y]h ;hk ll;k i]h
اختي بالنسبة للنظام ديال النفاس خاصك تاكلي مزيان وتلبسي مزيان باش مايدخلكش البرد وتحزمي كرشك مزيان وكلي الحلبة وحب الرشاد والشانوج طيبيهم مع العدس والبصلة وليقامة وشوية الدجاج بلدي وديريهم على شكل رفيسة وشربي الحليب مع الزعتر راه مزيان والرضاعة خاصك تاكلي مزيان وتشربي مزيان الماء والعصائر والحاجات اللي فيهم كالسيوم باش يتعوض الكالسيوم اللي تيمشي فالرضاعة وبالنسبة للمنطق اللي تضرك راه عادي حقاش مع الولادة تتجبد ديك البلاصة لاقصى درجة عليها تتبقى تعطي الالم واحد المدة , وان شاء الله يفوت كل شي بخير وعلى خير .
المشاركة الأصلية كتبت بواسطة محبة رسول الله 
اختي بالنسبة للنظام ديال النفاس خاصك تاكلي مزيان وتلبسي مزيان باش مايدخلكش البرد وتحزمي كرشك مزيان وكلي الحلبة وحب الرشاد والشانوج طيبيهم مع العدس والبصلة وليقامة وشوية الدجاج بلدي وديريهم على شكل رفيسة وشربي الحليب مع الزعتر راه مزيان والرضاعة خاصك تاكلي مزيان وتشربي مزيان الماء والعصائر والحاجات اللي فيهم كالسيوم باش يتعوض الكالسيوم اللي تيمشي فالرضاعة وبالنسبة للمنطق اللي تضرك راه عادي حقاش مع الولادة تتجبد ديك البلاصة لاقصى درجة عليها تتبقى تعطي الالم واحد المدة , وان شاء الله يفوت كل شي بخير وعلى خير .
اهلا بك المزيونة الله يبارك فيك ويحفظك ويجازيك بخير على الدعاء وعلى النصائح الله يجعلها فميزان حسناتك يارب
حبيبة مهما وصفتلك إحساسي بالامومة كيف عامل كتبقى الكلمات عاجزة والله العظيم أجمل إحساس فالدنيا نهار اللي كينزلولك البيبي فالحضن ديالك ربي مايحرم حتى شي واحد من هاد الإحساس الله يفرح كل اخواتي الحبيبات فالمنتدى وسائر نساء المسلمين
اللهم كما حفظت كتابك إلى يوم الدين إحفظ دريتي من الشيطان الرجيم
انا بقى مجربت بالحق لي تنسمع خاصك تاكل المساخن تعملهم فالرفيسة مع الدجداج وتشرب حب رشاد مع الحليب والحلبة وتوضاي بالخزامة والشيح وتغطى من البرد وجمع راس ديلك مزيان بسبنية غليطة
المشاركة الأصلية كتبت بواسطة المسلمــــة الله يسلمك وينجيك الحبيبة والله يجازيك بخير على الدعاء ويجعله فميزان حسناتك يارب
أختي شني غادي نقولك الولادة كانت صعيييييبة ولكن الحمد لله رب العالمين على كل حال الله يجعل كلشي من مغفرة الدنوب
انا الطبيبة كانت عطتني موعد فأخر شهر 4 وفات الموعد وباقي ماجاني لاحريق لاوالو حيت الحريق اللي كنت كنحس به بداني من الشهر الثمن حريق من تحت ومكنتشي كنقدر نمشي مرة ولكن الحريق ديال الولدة اللي مجهد ماجانيشي
المهم نهار اللي كان محدد نالولادة كان الخميس شافتني الطبيبة وقالتلي الرحم باقي مشدود وغادي نصبر عليك اسبوع إدا ماولدتيشي فهاد الأسبوع ضروري تدخل للطبيب باش نولدوك ديك الساعة جاني الخوف وبديت كنتمشى بزاف وكليت التمرونهار الأحدف4 ونص دالليل هود مني الما بزاف مشينا نالطبيب شافتني الطبيبة قالتلي صافي غادي تبقى هنا عملولي الحريق الصناعي وبداني الالم والوالدة والو ماتحلت بداو كيزيدوني فالجرعات باش تتفتح ووالو كنتقطع وملي كتقلبني كاتقولي باقي تصور من 4 ونص دالصباح حتى ن 2 والرحم مفتوح غير 3 ونص سنتيم بقيت هكداك كنتقطع والحري كيتزاد والقلب ديال البيبي كيوتقف والألة كتصوني و وجات واحد الطبيبة قالتلوم صافي ديوها نغرفة الولادة وقالت نالقابلة اللي كانت مقابلاني من الاول عيطوا نراجلا دابا حيت كان مشا للدار يجيب شي حويجات ويجي المهم هو فديك اللحظة وصل جبروم متوترين وداخلين بيا نالغرفة صافي دخل معايا والطبيب وجدت المسائل دالعملية وقالت نالقابلة غادي نحاولوا معاها وبدات كتقولي غير نقولك دفع دفع إوا بديت كندفع ووالو سبحان الله الراس كيخرج وكيرجع يدخل راجلي كيقولي زيد دفع كيبان الراس وديك القابلة كتقول للطبيبة غير فتحلا غادي تموت والبيبي القلب ديالو بدا كيوقف والحمد لله الطبيبة اللي ولدتني قالتلا صافي أخر محاولة وشافت فيا واحد الشوفا ديال التشجيع وفحال اللي كتقولي مخصنيشي نفتحلك قالتلي غير تجيك الزحمة دفع إوا وانا ندفع واحد الدفعة خرجت معاها كلمة ياااااااااااااااااااااااااااااااااااااااااااااااار ب وانا نسمع بكي دالحبيبة ديالي لينة كان الحبل السري ملوي على عنقا مكيخليهاشي تخرج الله على الفرحة اللي شوفتا فعينين راجلي وعلى إلإحساس ملي نزلوهالي فالحضن ديالي وهي سخونة ألف حمد وشكر لك يا الله إحساس نساني فالألم وفكلشي
حبيبة هادي تفاصيل الولادة ديالي الله يجعلها من مغفرة الدنوب والله يفك كل حامل على خير ويهطيها وقفة ساهلة والله يرزق كل محرومة كيفما رزقني بنور عيني لينة من بعد إنتظار ديال 4 سنوات
اللهم لك الحمد والشكر حتى ترضى ولك الحمد والشكر إدا رضيت ولك الحمد والشكر بعد الرضى
الله يحفظ ليك البنيتة و يقر عينيك بها و اسال الله ان لا يحرم اي وحدة من احساس الامومة الله يسر لنا يارب و جزاك الله كل خير على القصة
المشاركة الأصلية كتبت بواسطة المسلمــــة الله يحفظ ليك البنيتة و يقر عينيك بها و اسال الله ان لا يحرم اي وحدة من احساس الامومة الله يسر لنا يارب و جزاك الله كل خير على القصة
ياربي امين الحبيبة ربي يخليك ويحفظك
الله يعطيك شي وقفة ساهلة ماهلة ويفك وحايلك على خير يارب ويفرحك رب الحبيب بالبيبي وهو فأحسن حالة إن شاء الله
اللهم كما حفظت كتابك إلى يوم الدين إحفظ دريتي من الشيطان الرجيم