السلام عليكم ورحمة الله وبركاته بغيت نسولكم الله يرحم لكم ما عز عندكم على الفراشة او لاناب لي كتفرشو الى غيجو عندكم ضياف مهمين واش كتفرشو ديال التوب المطروزة و لا دلبلاستيك المزوقة حيت صحاباتي قالو لي الى ضياف هادو غيجيو اول مرة حشومة تفرشي دالبلاستيك خصني نفرش ديال التوب الله يعطيكم الى كان ممكن نعرف كيفاش نفرشها وشحال من ناب خص تكون مفرشة و كيفاش نزوقها الله يرزقكم الحلال
uk]d schg ugn ‘vdrm jr]dl lhz]m hgqdht
شوفي أختي سواء كانو ضياف مهمين أو لا مكاينش الفرق حيت المهم هو خاص طابلة ديالك تكون أنيقة و تعبر على الذوق ديالك و على حداكتك
المهم ديري لاناب ديال الثوب ماشي ديال بلاستيك إلا في حالة كان هذا الثوب صعيب في التنظيف الطبايع هنا ما فيها باس منين تبغي تنزلي الأكل تفرشي البلاستيك فوق الثوب
أما بالنسبة للعدد خاصك تفرشي 3 ديال نابات الأولى كتزول من بعد الأكل و التانية كتزول من بعد الديسير و كتبقى التالتة في الأخير نقية
وبالنسبة للطريقة باش تفرشيها و تزوقيها هذه بعض الأمثلة
المهم ديري لاناب ديال الثوب ماشي ديال بلاستيك إلا في حالة كان هذا الثوب صعيب في التنظيف الطبايع هنا ما فيها باس منين تبغي تنزلي الأكل تفرشي البلاستيك فوق الثوب
أما بالنسبة للعدد خاصك تفرشي 3 ديال نابات الأولى كتزول من بعد الأكل و التانية كتزول من بعد الديسير و كتبقى التالتة في الأخير نقية
وبالنسبة للطريقة باش تفرشيها و تزوقيها هذه بعض الأمثلة
السلام عليكم و رحمة الله و بركاته
أختي فرشي فراشة أنيقة حتى تبغي تحطي الأكل عاد فرشي بلاستيك واقية، و فاش تسالي الماكلة و يغسل الناس يديهم حيد بلاستيك و حط أتاي أو قهوة كحلة مع الحلويات، المهم اللي عندك، و ما تكلفش راسك، ديري داكشي لي تقدر عليه الميزانية
إلى بغيتي، زيني الطبلة بمزهرية فيها ورود حقيقية
الطبلة المغربية تا يكون فيها غير الطبق الأساسي، الخبز، و السلطات تا نديروهم في أطباق صغار، و المشروب و من بعد الديسير، فواكه أو مثلجات، أو حلوة كريم
شكرا بزاف ا خواتاتي راني عاود سولت ف جهة اخرى قالو لي نفس شي و غنزيد نفيد لي بحالي ضياف لي جايين هما خطاب داكشي علاش بغيت يكون كلشي متول المهم فالاول خاص طبلة تكون مفرشة بالثوب و ملي يدخلو نحط لهم شحال قديت عليه ديال اشكال دالعصير مع لي طاغط صغار فوق لاناب ديال الثوب من بعد اتاي حتى هو مع الحلوة فوق لاناب د ثوب حتى نجيب الماكلة و نفرش دوك الميكات الرقاق فوق لاناب و صااااااافي
الله ييسر ليك اختي امورك وتمر الخطبة مزيانة.