السلام عليكم
انا عندي وليد عندو 4 سنين و نص و بغيت نعلمو الاستنجاء باش نبدا معاه في الوضوء ان شاء الله ولكن ماعرفتش كيفاش نعلمو كيفاش يستنجي اولا خصوصا و ان عندي الطواليط الرومية
بغيت لي عندها الوليدات تفيدنا بالطرق لي جرباتها و عندها ط§ظ„ط§ط¬ط± و ربي لي غادي اجازيها
و شكرا
uk]; hg,g] ?? ]ogd td]dkh , o,]d hgh[v d,[]
36 مشاهدة لي دخلات عندها غير البنات واقيلا ياك
انا ولدي ياالله بغيت نعلم ليه الكلاس انشاء الله البنات افيدوك
المشاركة الأصلية كتبت بواسطة أم ريونة 
انا ولدي ياالله بغيت نعلم ليه الكلاس انشاء الله البنات افيدوك
ماعرفت جاني الوولد صعيب على البنت مع البنت كاتكلس و الولد كيتبول واقف
ربما قلت الولد ماشي بحال البنت واقيلا هدا فهمي هادشي علاش نزلت الموضوع باش لي عندها الخبرة تورينا و عندها الاجر
المشاركة الأصلية كتبت بواسطة samarmar26 الله اجازيك بخير اختي سمرمر و صلح بنيتك و الله اقدرنا و اعينا باش نأديو الامانة و نربيو وليداتنا و نفتاخرو بهم دنيا و آخرة يا رب
اما بالنسبة كيفاش يجلس يخص يجلس ويشد بيده العضو دياله حاشاك باش
ماينفخش سروالو وملي يكبر شوية عطيه قرعة ديال الماء ويبقى يغسل بوحدو اما
ملي يوسخ حاشاكم يمسح بالكاعط الاول وعاد يغسل هذا ملي يكبر اما دبا مازالو صغير انتي
لي تغسلي ليه او تعطيه كاعط يمسح غير بيبي بوحدو وربي يخليلك ولدك
انا كيبالي اربع سنوات باقي صغير باش يستنجا بوحدو
علميه الاول باش يعتمد على راسو ملي يبقي يعمل بيبي يتوضا بوحدو اما شي الاخر ضروري تعونيه نتينا
خصوصا هنا فبلجيكا اكترية ديال الديور عندهم غير لاشاص فالتواليت بلا داك الgلاس د الوضوء بحال لعندنا فالمغرب والله ادا لقيت مشكيلة انا نيت ماشي غير الاولاد هههه
ونصيحة علم ولدك يتبول جالس بحال لقلت الاخت يدخل العضو ديالو للداخل بهد الطريقة كتبقا لاشاص نقية ماشي بحال ادا تبول واقف راه كلشي كيترش هههه خصك غير يخرج تدخل موراه
وان شاء الله ملي يكبر شوية ادا معندكشي داك الكلاس ديال الوضوء يتبع هد الطريقة
ملي يمسح بالكغيط يدخل لبانيو دلحمام يحيد السروال ويلبس سندال ديال الميكة ويقرض فالارض ويتوضا عادي بصابون الحجرة ولا ديتول وينضف المكان ويكمل الوضوء للصلاة
وكاين واحد الطريقة شفتها فالمركز الاسلا مي ببوركسيل عملين الرشاشة بحال ديال الدوش بها باش كيستنجاو
هد الطريقة حتى واحد صحبتي كتعملها فدارها غير خص الرشاشة تكون قريبة نلاشاص وتنقص الما بزاف باش مترونشي الدنيا
يارب نكن فيدتك
راه غير علميه غير بشوية و لتبدايش تغوتي عليه غير بالمهل وراه دغية يولف لتنسايش راه دابة وقت المدرسة خصو يعتمد على راسو .
المشاركة الأصلية كتبت بواسطة قلب طيب اما بالنسبة كيفاش يجلس يخص يجلس ويشد بيده العضو دياله حاشاك باش
ماينفخش سروالو وملي يكبر شوية عطيه قرعة ديال الماء ويبقى يغسل بوحدو اما
ملي يوسخ حاشاكم يمسح بالكاعط الاول وعاد يغسل هذا ملي يكبر اما دبا مازالو صغير انتي
لي تغسلي ليه او تعطيه كاعط يمسح غير بيبي بوحدو وربي يخليلك ولدك
اللهم آمين و اصلح ليك وليداتك يا رب
بالنسبة للمسيح هو كيمسح بوحدو هادي عام و الحmد لله لحقاش كيمشي للمدرسة و في الغربة خاصو اكون معلم ليه واخا ماشي ماسح مزيآآان ولكن كيعرف غير بغيت نسولك فاش اكبر شويا و باش اغسل خاصو اكلس ياك ولا اشد بيدو العضو و ابقا واقف ؟؟؟