عمركم كليتو الدجاج .بالبونج

واحد انهار نعاودها ليكم كي الخرافة اوا ضحكو كي بغيتو وكولو حمقة وكولو اللي عجبكم المهم اللي ليها ليها نعاودها ليكم
كانطيب واحد الدجاجة ودرت ليها ليقامة ديال التحمار وريحتها تعطعط ………….وانا من عادتي كانحط واحد البونجة ديما فوق البوطاجي كانمسح بها الغطاية ديال الكاميلة لاني متبعة النصيحة ديال جدة الله يرحمها ــ الغطاية ديال كاميلتك ديما خصها تكون نقية ماشي مجلخة بالمرقة لان المعلقة اللي كانحركو بها كاتكون فوقها ، جيت نحركها تاني آش لقيت
آ الخوت ؟؟؟؟؟؟؟؟؟؟؟؟؟ ونـــــــــــــــــــــــــــــــــــاري اميمتـــــــــــــــــــي
ناري على مصيبة
لقيت البونجة وسطت الكاميلة………………….
كا ترترتر حدا دجاجة
بديت كنسول راسي ………..كدارت هاد البونجة حتى دخلت الكاميلة؟؟؟؟؟؟؟؟؟؟؟؟؟؟؟؟؟
واقلة شي جن معايا
بببببسسسسسسسم الله الرررررررحمممممن الرحححححححييييييييم
شديت في راسي وعرفت السبب
اني ملي حيدت الغطاية كانت سخونة بزاف وحطيتها على البونجة بلا منقلبها وحركت الدجاجة
وملي هزيت الغطاية بلا ما نشوف آش تحتها
كانت البونجة لاصقة فيها
وحطيتها على الكاميلة و تمة بدات الحكاية
المهم خويت المرقة وحمرت الدجاجة
غا تكولو لحت الدجاجة ؟؟؟؟؟؟؟؟؟؟؟؟ والله منلوحها
والله ما لحتها
كليتها انا وراجلـــــــــــــــــــــي
وكاليا راجلي عمرك ما درتي بحــــــــــــــــــــــــــــــــــال هاد الدجاجة غزالة