علاج فعال للسعال الناشف

ليمونة ( حامضة ) متوسطة الحجم
وضعتها مع 2 كؤوس ماء على نار هادئة
مدة 10 دقائق حتى صارت قشرتها لينة مرة
ثم عصرتها ،
أخذت العصير و أضفت عليه نفس الكمية عسل أصلي
و نفس الكمية أيضا زيت زيتون بكر
خلطتهم جيدا حتى تجانسوا مع بعض وصار الخليط ثقيلا نوعا ما
ثم حفظته في علبة زجاجية غامقة اللون ومعقمة
(خاوي ديال السيرو )

الوصفة الثانية :

أخذت بصلة حمراء متوسطة الحجم
حكيتها وحطيتها بكلشي مع نص لتر حليب
على نار هادية و غطيتهم باش ما تتبخرش المكونات
وبعد ما غلاو مزيان طفيت عليهم النار
و خليتهم شوية

شربت من الوصفة الأولى ( عصير الليمون و الزيت و العسل ) 3ملاعق ضغار و بعدها كل الحليب اللي بالوصفة الثانية بعد ما صفيته من البصل المحكوك .
و نعست مباشرة و غطيت راسي و تغطيت مزيان باش ميضربنيش البرد
و عرقت بزاف ولكن اتحملت وما عريتش وجهي كامل،غير شوي الأنف باش منتخنقش.

الصبح سبحان الله حسيت بصدري ثقيل ، السعال رطاب و طلع لي بلغم بزاف حاشاكم و الكحة خفافت عن قبل

إستمريت على العلاج 3 أيام بلياليها ، و الحمد لله شفيت تماما

الطريقة باختصار :

بالليل قبل النوم مباشرة 3 ملاعق من شراب الليمون و العسل و زيت الزيتون بعد ما نمخض القرعة حتى يتجانسوا ،
و بعده الحليب المطبوخ فيه البصل الأحمر ، (ممنوع الأكل أو الشرب بعده )

و الصبح من بعد ما نكح ونخرج دكشي لي فصدري
ناخذ فقط من شراب الليمون و العسل و زيت الزيتون 3 ملاعق
و أنتظر ساعة عاد نفطر

ـ الوصفة الأولى حضرتها مرة وحدة وكانت كافية ل 3 أيام
اللي عنده سعال مزمن و احتاج كمية أكثر ممكن كل ما تسالى يديرها مرة ثانية ويحتفظ بيها بعلبة زجاج معقمة، و يمخضها مزيان قبل كل استعمال لأن العصير كينزل تحت و العسل بالنص و الزيت فوق .

ـ وصفة الحليب بالبصل تحضر كل ليلة و يشرب المريض كل الحليب ، ممنوع الإحتفاظ بيها لثاني يوم.

ـ النتيجة تظهر من الصبح الاول
يعني بديت الوصفة بالليل ، و الصبح شفت النتيجة

الله يشفي جميع مرضى المسلمين ويعافيهم من كل بلاء
و الحمد لله الذي بنعمته تتم الصالحات
و الفضل لله وحده ، له الشكر و له الحمد وله الثناء الحسن كما ينبغي لجلال وجهه وعظيم سلطانه