سلام عليكم
اخواتي لحبيبات أنا وقعت لي صدمة نفسية ملي طاح لي تربية لولا كنت غادي نموت و جاني واحد شوك خلاني وليت كنخاف بزاف من لمجهول من لموت من أي حاجة وليت غا خايفة ما خليت فن دوزت او حتى واحد ما نصحني بطبيب نفساني
لمهم بديك نفسية لخيبة حملت او قلت امكن هاد الحمل هو لغادي يرجع لي حالتي عادية ولكن رجعت تاني كيف كنت ملي طاح لي على 5 شهور او عوتني رجعت نفسيتي كيف كانت او دكشي ل كيجني بحالة مصارني كيتقتعو لكليتها ضرني ولا تعصبت خصني نرد ضروري لواكلة او قلبي ديمة كيدردك او غا كنبكي او ما بقيت دحكية كيف كنت وليت مسيطر علي لخوف او غا لقالها لي راجلي كنبضة نبكي ما بقيت كنتحمل تا واحد او تا حاجة وأخيراً بعدما شفت كل الأطبة لي شفت قررنا أنا وراجلي نمشي عند طبيب نفسي او فعلاً شفتو او خرج لي 2 دوايات او قلي وقعت لصدمة سببات لي إكتياب إو أنا كنخد دبى no dep او lysanxia او خصني نتبع شوية مع طبيب عفاكم أنا وليت كنحس براسي حسن او وليت ناكل مزيان ولكن ليوم حسيت براسي مشي هي هديك او مزيرة ف خاطري وطايح علي ضيم إو الله إغفر لي و عفو علي وعلى كل المسلمين
وش وقع لشي وحدة ف لانيقات بحالي وش هادشي عادي وكيتعالج
ugh[d hgktsd
اختي الله يكون في عونك، انا كذلك عانيت من اكتءاب حاد إثر مشاكل مع زوجي، وتعاطيت دواء مضاد لمدة شهرين، والحمد لله انا الآن بخير ما دمت قريبة من ربي، وأشجعك على التحمل وعلى ان تحاولي الرضى بالقضاء والقدر،
حتى انا سبق لي تعالجت من اكتئاب
وهداك lysanxia ضرني بزاف مقدرت نستحملو
دغيا بدلو لي طبيب
غير صبري الحبيبة وكملي العلاج وميكون غير الخير باذن الله
أختي حتى أنا كنت فحالك جاتني صدمة بوفاة الوالد رحمة الله عليه هذه شي 5 سنوات و كنت كثر منك كنحس بضيق في النفس و غصة في الحنجرة و حريق في العنق و كنت كنخاف من الموت بزااااف و ماكنت كنخرج من دار كي تخيل ليا الى خرجت من الدار غادة نموت واحد نهار مشيت الحمام و حسيت بضيق و اني الوسواس ديال الموت خرجت من الحمام وشعري فيه الشامبون .
مشيت عند الطبيب نفاسي و شفق على حالتي قال لي راني وصلت قمت الاكتئاب خصوصا و أنا صغيرة تفاجئ لحالتي بزاف وصف لي واحد الواء وبديت كنشربوا وحسيت بشوية دال التحسن ، ولكن واحد النهار خرجاتني ماما و حسيت براسي الناس خانقيني بزاف و ديك الساعة رجعت الدار وشربت الدواة عاد حسيت براحة وقلت مع راسي أنا غادة نبقى مدمنة على الدوار و خصوصا أني كنقرا ، المهم بديت كنصلي و بديت كنستمع لدروس دينية و حسيت بتحسن ، وخاة أن كل أسبوع من كل شهر كنحس بالضيم و لي هضرني كنبكي و لكن الحمد الله ونشكروا .
خصك أختي تبدلي الجو و ديري نتي وراجلك خرجات و عندي ليك واحد العلاج غادي ينفعك بزاااااااف الرقية الشرعية و سورة البقرة استمعي ليها يوميا بصوت المثرئ لي كترتاحي ليه انا كنستع ليها بصوت ناصر القطامي صوت روعة .
سمحي أختي إلى طولت عليك و لكن بغيت نساعدك و حاولي أختي ما أمكن باش تقطعي دواء راه غير سم في سم .
سمحلي بزااااااااف على الإطالة
لكي مني أجمل مودة و فائق احترامي
hta ana kant kanhs b hadchi li glti kolo w mazal chwya walakin kifma kan lhal hsn chwya allah i3fo 3lina wi chafi ljami3
chokran lik alhbiba