عفاكم شي طريقة لحم مشوي فالفران

السلام عليكم أولا أخواتي أنا هادي أول مرة نحط موضوع ديال شي وصفة
و لهذا سامحوني إلى كان شي أخطاء
غادة نحط ليكم طريقتي ف شوي لحم جهنم ف الفرن ديال دار وأنا معتامداها شي 03 سنين هادي وديما ماكاتحاشامنيش
غير هي اكتبغي الوقت الكافي (شي 04 سوايع ) ولك خاطر ولكن ناتجة لددديدا بزاف و غادة تعجب ضيوفكم


أول حاجة نحتاج اللحم الغانمي من جهة الكتف أو حتى بلاصة خرى ماشي مشكل غير هو الكتف كايكوون ديما بنين
زيت الزيتون ولا العادية
ملح
فلفل أسود (إبزار )

نظف اللحم مزيان و نقطع داكشي زايد ونمسح من الماء وهادي نقطة مهمة جدا ماخاسش يبقى فيه ألما
وكانفلحو بالسكين باش يدخل طيب لداخل

فهادووك لفلحات كاندخل الملح و لبزار


وكاندير عليه شوية ديال زيت من الفوق وندهن بيدي


إوا وكانداخلوو للفرن لي كيكو ن سخون مزيان من قبل على درجة 250 وكانخليه حتى كاتكرمل ديك جلدة لي الفوق بحالة مقلية,يعني حوالي شي 20 دقيقة عاد كانيزيل ل 200 درجة ونخليه فيها شي ساعة


من بعد نغتيوه بورق ألمنيوم ونقص الفرن ل 180 درجة ونخاليوه شي ساعة خرى

وهاهو ملي حليت عليه

وكانعاود ندخل واحد شوية للفرن حتى كاينشف ويتكرمل
وهاهو ف شن تقديم أنا رافقت مع خضار مشحرا فزبدا و المعدنوس


و هادو سلطات لي حطيت معاه

اليوم درت الضلعة وقلت نوريكم طريقتي في تحضيرها نتمنى تعجيكم
كناخد الضلعة وممكن تعملو اي بلاصة ديال اللحم تعجبكم
كندر الكوكط فيها الماء نسموه بوريقات سيدنا موسى شوية زعيترة وشوية ازيروالملح

كنديرو فيها للحم

نسدو عليها ونخليوها تطيب مزيان

كناخد الزعفران شعرة وكندير فيه شوية الماء طايب ونخليه يطلق مزيان

هاهي ملي طابت وحليت عليها

كنزولها من الماء ونخليها جانبا

في لاطة الفرن نفرشو ورق سولفيريزي ونزلو فقو اللحم ونخلطو شوية السمن مع الزعفران لرطبنا في الماء من قبل

كندهنو اللحم مزيان بالخليط ديال الزعفران

ندخلوها الفران باش تتحمر

هاهي ملي تحمرات راه مكتاخدش الوقت بزاف لان اللحم طايب

وهاهي مني نزلتها في طبق التقديم زينتها باعواد عامرين بافوماج وكاشير والكورنيشو مقطع

كناخدو الضلعة بعدما نكونو غسلناها مزيان كنفلحوها واحد 2 فليحات بالموس من الجهتين ونقبوها بالسكين ونوضعو وسطهوم الثومة

في زلافة صغيرة كنديرو ملح,ابزار,سكين جبير,زعفران,كنور وشوي ماء نخلطوهم مزيان وندهنو مزيان الضلعة

في طنجرة كنوضعوها فوق العافية نديرو الماء,بصلة مقطعة على 4 +2 ضامات البنة ومنين تغلى نضيفو الضلعة ونخليوها على نار متوسطة حتى طيب مع التحراك المستمر

منين طيب كنزولوها ونوضعوها في صحن الفرن ندهنوها بزبيدة,موتارد وشوي ضامة البنة
ندخلوها الفران حتى تحمر

وهاهي واجدة رافقتها باللوبيا والشومبنيون صوطي,الدرة,كروكيط وزينتها بالفروماج,كاشير والزيتون

ما شاء الله وتبارك الله عليك من يد ما نعدمها هههه الله يعطيك الصحة وييسر ولادتك وتشوفي جنينك كامل ومعافى والله يسهل أمورك ويشافيك

أختي أنا كنجري من ورائك في شحال من موضوع باش ندعي معك من ساعة ما شفت توقيعك وكتبت لك في عدة مواضيع ولكن كتاب اليوم أنني نلقاك يا ربي غير ما نكملش كتابتي ونلقاك مشيتي ههههههههه

جزاك الله كل خير على مجهوداتك وتعاونك مع كل الأخوات ونطلبوا من الله ترجعي لينا وانت بكامل الصحة