هانتي يا اختي تبعي معايا مزيان.
هادي واحد الصديقة من هاد المنتدى عروسة الله يكمل عليها بالخير و نفرحو بيها ان شاء.
المهم قتلها التخمام و نقصات الوزن ديالها و عطيتها هاد ط§ظ„ظˆطµظپط© باش تغلاض و ترد صحتها و نهار العرس تبرز لينا و تكون لالة و مولاتي.
المهم عطيتها هاد ط§ظ„ظˆطµظپط© اللي كانت صوباتها لي مرات خالي الله يجازيها بالخير. اصلا هي كاتديرها لبنتها صغيرة باش تغلاض ليها شوية حيث كانت ضعيفة.
المهم انا تقديتها ليها و صوباتها لي قبل العرس باش نبان حتى انا عروسة زعما.
هانتي يا اختي تبعي معايا مزيان.
سيري عند شي عطار كاتعرفيه باش يتفوبر معاك و يعطيك جودة مزيانة و شوفي شي مول الزريعة حتى هو مني كنتي ف ليسي و انت كاتاخدي من عندو الزريع و كاتعجبك… المهم.
عندك ا لالة .
5 دراهم حمص مقلي
5 دراهم كاوكاو مقلي
5 دراهم لوز مقلي
5 دراهم صوجا
5 دراهم بيستاش مقلي
5 دراهم اكاجو
5 دراهم زنجلان
5 دراهم زريعة الكتان
5 دراهم ثمر
5 دراهم شريحة
5 دراهم زبيب
5 دراهم او اقل حلبة يلا قديتي عليها و على ريحتها و لك الاختيار. لكن منافعها اكيد معروفة.
5 دراهم الفوة. و هده الاخيرة كنت قريت عليها مؤخرا عندها منافع كثيرة و كان قال لي عليها العطار را كاتورد الحنيكات.
ايوا كاتنقي كلشي و تحمري اللي خاصها تحمر و تقطعي اللي خاصو يتقطع طريفات و طحني اللي خاصها تطحن. و تجمعي كلشي بالعسل الحر يلا توفر عندك. اولا غير هاديك القرعة ديال عسل الزمزامي…
انا مع كان كثر لي العطار ف العبار. ما قداتنيش ديك القرعة ديال العسل. و هي عندها سيرو ابيتين ديال بنتها راه كايفتح الشهية و رخيص عند الفارماسيان و امن صحيا و هي تكمل لي بيه الجميع.
و كاتديري كويرات من هاد العجين و تحتفظي بيهم ف سطيلة و تسديها. و فين ما تدوري هزي ليك كورارة كوليها. شحال ما قديتي في النهار. خصوصا الصباح. انا كنت جبت معايا طاسة الخدمة و حاطاها ف البيرو و كل ما احتاجيت شي حاجة حلوة كانجبد كورارة ناكلها. حتى البنات كلهم اللي معايا بليتهم بهاد التقيوتات.
ايوا نتمنى نكون فدتك.
باقا كانعقل كان داني راجلي عند واحد العطار صاحبو تقديت من عندو. و هو يقول ليه المدام را باغا طھظپظˆط±ظ…ط§ ليك ا سيدي و هو يجاوبو راجلي قال ليه واش داك شي اللي كالس تعبر ليها تما غادي يفورميها لي و لا يفورميها علي. ياك كايليق غير الفورمة بعدا. مع شافني قويت من 5 دراهمات.
مزيد من التوضيح . انا في الخدمة دائما.
u’dj g,hp] whpfjd rfg uvsih ih] hg,wtm fha jt,vlh , id j’gf lkd kp’ih gd;l ikh> lkn f’gf u’dm ikh
الله يجازيك بالخير يا أغلى صديقة
chokran azin wach maydirch lkarch had chi
اختي مريم. للامانة انا مادارش لي الكرش. غير تزاديت ف الوزن بشكل عام.
امة القادر. انت الاغلى اكيد. ما تكوني لي غي على خاطرك.
شكرا بزاف الحبيبة على الوصفة
قولي ليا شحال تزدتي من كيلو وشحال المدة تقريبا
قولي ليا شحال تزدتي من كيلو وشحال المدة تقريبا
عذبناك معانا سمحي لنا
شكرا لكي اختي
كنتمنى تقولي لنا شحال كان فيك قبل الوصفة و شحال تزاديتي من كيلو و المدة
شكرا لكي اختي
كنتمنى تقولي لنا شحال كان فيك قبل الوصفة و شحال تزاديتي من كيلو و المدة
خحبيبتي نجمة و عسلية.
الامر يتوقف على المقدار الدي تتناولينه خلال اليوم. يلا كنت مستعجلة كلي بزاف و يلا عطاك المفعول اللي بغيتي قللي او توقفي اما يلا كنتي باغا تغلاضي على خاطر خاطرك فكلي مقدار اقل و انت عينك ميزانك.
انا يا اختي مع ايام اللي قبل العرس ما كنتش كانحك راسي. الخدمة و كانو عندي الامتحانات ف الاسبوع اللي قبل العرس مباشرة يعني المراجعة و زيد صداع الراس ديال الشريان و جري قلب على نكافة على كوافورة… كلشي منك. المهم انا كنت كاناكلو تقريبا ثلاثة اشهر قبل العرس و لكن في الشهر الاخير كليت فيه بزاف. وليت كانتقوت غير بيه. و تزاديت ف الوزن. ما عقلتش شحال المهم كانت زيادة ملحوظة خصوصا اللي كان شافني بل نقصت بان ليه راني تزاديت.
الامر يتوقف على المقدار الدي تتناولينه خلال اليوم. يلا كنت مستعجلة كلي بزاف و يلا عطاك المفعول اللي بغيتي قللي او توقفي اما يلا كنتي باغا تغلاضي على خاطر خاطرك فكلي مقدار اقل و انت عينك ميزانك.
انا يا اختي مع ايام اللي قبل العرس ما كنتش كانحك راسي. الخدمة و كانو عندي الامتحانات ف الاسبوع اللي قبل العرس مباشرة يعني المراجعة و زيد صداع الراس ديال الشريان و جري قلب على نكافة على كوافورة… كلشي منك. المهم انا كنت كاناكلو تقريبا ثلاثة اشهر قبل العرس و لكن في الشهر الاخير كليت فيه بزاف. وليت كانتقوت غير بيه. و تزاديت ف الوزن. ما عقلتش شحال المهم كانت زيادة ملحوظة خصوصا اللي كان شافني بل نقصت بان ليه راني تزاديت.
ضحكتيني والله
khaeti ana ghlida walakin ma3ndich lour wach hadchi ila derte ghadi nghlad kouli wela ghir lour