*******عصير الليمون تشربي منو وتشربي منو الجيران وجيرانهم .

تبث في 1/02/2019
bent bladi

السلام عليكم

اليوم جبت ليكم العصير اللي تندير احتياطي وتيجي كثييييييير وتينفع في الصيف المهم شووفوه وردو عليا الاخبار

انا تندير كمية اللي تكفيني وانتوما ممكن تضاعفو المقادير على حسابكم

المقادير

1 كيلو خيزو او جزر

1 كيلو برتقال

كيلو الا ربع حامض

2 معالق حجرة الليم

نص كيلو سنيدة ..

1.5 ماء

عسلنا ط§ظ„ظ„ظٹظ…ظˆظ† والحامض والجزر

ممكن الا عندك الجزر جديد وطري ما تقضريه فقط تغسليه انا كان عندي قديم وقرب يخسر عليها قشرتو

المهم الكل يتغسل مزيان بلا ما نحيدو القشرة

وطبعا يتقطع كما تتشوفو في الصورة

الجظر دوائر والحامض والليمون اطراف صغار واهم شي نحيدو البدرة اللي تتكون فيهم

طبعا نستعمل ليتو ونص ماء مع نص كيلو سكر و2 معالق حجرة الليم
ونديرهم في كوكوط

ملي تبدا تصفر نحسبو بين 15 و20 دقيقة ونسدو عليه

نسدو عليه ومبعد نخلو تا يبرد عاد نبقاو نزيدز ليه الماء ونطحنوه في مولينكس مع اضافة السكر … وكول واحد على حساب قياس اللي بغا ….نتخويه في بانيو كبير وطبعا تنصفيه قبل ما نخويه في البانيو باش يجي هو هداك انا هنا غتشووفو اشحال خرج لي ..حسبوه ومع دالك وقت الاستعمال باقي تنزيد الماء حيت تيجيني ثقيل مزال .. علاش ما زتش الماء ديك الساعة باش يلاه تكون عندي بلاصة فين نديرو في الفريكو الا كثر الماء غدي يكترو ليا القراعي …
فهمتوني ؟؟