عرس غير مختلط

السلام عليكن أخواتي في الله، بغيت نسولكم الله يجازيكم بيخير. أنا ماعمري حضرت لعرس غير ظ…ط®طھظ„ط· و ماعارفاش كيفاش كيكون من الناحية ديال التفاصيل ديالو و بغيت لي عندها شي تجربة تفيدني حيت بغيت نديرو غير مختلط

---

uvs ydv lojg’

حنا في الريف اختي كنديرو غير مختلط ..الرجال في ليلة العرس والنسا نهار العرس
التحضيرات للي مولفين هوما هادوك ..معرفتش شنو بغيتي بالضبط حيت التحضيرات لا تتغير

اختي انا درتو غير مختلط

درنا الرجال كاااملين فدار و العيالات فدار تانية شي ميشوف شي

و لكن راجلي تصور معايا باللباسي كااملين و حتى عمامي و الواليد و صافي

اما من ناحية الماكلة حطينا فوقت واحد يعني الرجال و العيالات تغداو فوقت واحد كلها فدارو

السربايا ديال العيالات درتهم بنات وديال الرجال سرباو غير ولاد عمامي ز درنا الامداح بالصونور اما التنكاف تنكفت بوحدي بمساعدة صاحبة اختي و كانت قبل جات عندي علمتها الشدات ديال افلولار لانو ماحيدتش الحجاب واخا كنا غير العيالات و فالاخير درت لاغوب شراهالي لوسي كادو من امريكا

كانو اللبيسات دياولي و كريت يا الله الاكسسوارات من واحد السيد صاحب بابا هما و البسة ديال الحنة بالاكسسوارات دياولها كككااااااملين من الطيفور الطبلة الشمع…

و المنصة كريتها بوحدها من عند النكافة درتها ديال الكوير ابيض مع موتيف بالفضة مغربية
الله يكمل بخير

ممكن ديرو وقت واحد كيف قالت لك الاخت و للي غتحطو هنا تحطوه لهيه المهم الدار كبيرة و الراجل منين تبرزي يكون معاك و خوتك الولاد و الواليد و اسرة راجلك هاداشي غير في التصاور غير يتصورو يخرجو الرجال ولكن ممنوع يجلسو تما حدا النسا حيت كاين للي مكتبغيش و كاين الحشمة والوقار و هكا احسن اختي والله يسهل عليك ..نتي سولي بالضبط و حنا نجاوبوك

شكرا أخواتي، حتى أنا بغيت التفاصيل باش نقرر واش يصلاحلي نديرو غير مختلط أو لا. الفكرة ديال بجوج يتعشاو فوقت واحد مزيانة عجباتني. و لكن بغيت راجلي يكون معايا و يجلس معايا ونتصورو مجموعين بلبسات كاملين، واش يصلاح ولا لا؟ و بغيت نسول على الموسيقى، واش مثلا عند الرجال نديرو الأمداح و عند العيالات نديرو الموسيقى؟ و أشمن نوع د الموسيقى؟ و إلى كانت الدار لي فيها العيالات قريبة للي فيها رجال واش ماغاديش تجي حشومة جهة ناشطة بالموسيقى و جهة فيها الأمداح؟؟

اختي انا راجلي كيف قتلك جلس معايا فالمنصة و تصورنا و لكن البقية بحال عمامي و بابا غير تصورو و خرجو و حتى راجلي كنا غير كنتصورو و كنمشيو لواحد البيت فين نرتاحو و نبدل
اما بالنسبة للموسيقى انا درت امداح ديال الاعراس و صافي يعني الشطيح و الرديح ماكاينش و لكن داكشي محرك البنيتات الصغار اللي كانو كيدورو و ينقزو ههههه و الرجال مادرنا والو جا واحد السيد صاحب الوليد دار واحد الدرس و دعى معانا و صافي

لا اختي اغلبية للي كيديرو الموسيقى و كيكون غير مختلط مكيديروش الرجال الموسيقى حيت الشطيح ديال النسا .الرجال غير كيتعاشاو كل واحد كيشد طريق .اما الموسيقى كتكون في الجهة ديال النسا

و ماشي حشومة تسمع الموسيقى عند الرجال؟ و ماشي حشومة عاوتاني العريس يبقى جااااالس معايا و ديك الدار فيها غير العيالات؟ ههههه سمحولي ولكن هاد الموضوع محمقني

أختي
الله يكمل عليك بالخير وعلى كل مسلمة
نوصيك تحزمي مزيان ويكونوا جنبك نساء ثقة حتى يمر كلشي فأحسن الظروف
إلى قدرتي عملي مثلا النساء من ٢ إلى ٦ مساء يكون دكشي خفيف قدمي الأكل وبعده الشاي ولوازمه ولبسي بمساعدة شي قريبة أو صديقة أفضل لك من النكافة ضياع للوقت والمال مع كامل احترامي للنكافات الله يهديهن لما يحبه ويرضاه والأهم فهاذ الشي تكوني ضامنة أن النساء غيخرجوا ههه حيث كان اللي تبغي تبقى بدافع الفضول أو حتى تمشي مع زوجها خصك تكوني عاملة حساب لهن تكون غرفة بعيدة عن الرجال حتى لا تكون فتنة النساء متزينات ووو شي واحدة تقول زدتوا فيه الشارع عامر بالنساء متزينات سأجيبك حبيبة نعم عامر هداهن الله ولكن ميحصلش دكشي فبيتي ويوم وليمتي وأسأل عنه يوم القيامة اتفقنا ههه عليك نور فكرتيني فواحد الأخت عملت الوليمة غير مختلطة ولكن في نفس اليوم والوقت الرجال فجهة والنسا فجهة ثانية ومن قلة فهمها أرسلت لزوجها حتى يتصور معها فحضر إما جهلا أو بغى يعمل لها خاطرها وربما قال سأغض من بصري هو دخل لأخذ الصور بعد لحضة العروس تفاجأت بأخوه حضر حتى هو لأخذ صور مع أخيه زعموا قصة قديمة لم أعد أذكر إلا أن العروس لبست جلبابها وخرجت عند صاحبتها غضبانة وهذا من عمل الشيطان شوية بشوية حتى يوقع الإنسان فالمعصية عياذا بالله
علاش قلت لك تحزمي ودوري بك الصالحات وحطي فبالك وصوب عينيك أن إضاء الناس
غاية لاتدرك العرس إلى زوال وكلشي يمشي وتبقى المعاصي وغضب الله
والرجال من صلاة المغرب فما فوق
هذا رأيي وحتي يدخلوا الأنيقات ويفيدوك
أوصيك بعدم التبذير فالتكاشط وا لقفاطن حيث قليل فاش كيتستعملوا من بعد
هناك كتاب جد مهم ينفعك بإذن الله من الناحية الشرعية الزفاف الإسلامي للشيخ ناصر الدين الألباني رحمه الله فيه نصائح لما يسمى بليلة الدخلة
بارك الله لكما وجمع بينكما على خير