عراضتي لصديقاتي كلكن مدعوات تم إضافة مقادير الحلويات والسلطة

أنيقاتي الغاليات مرحبا بيكم عندي

هذي أول مشاركة ليا في هذا القسم حبيت نشارككم العراضة لي عملت ظ„طµط¯ظٹظ‚ط§طھظٹ وكنتمنى يكون فالموضوع إفادة ولو قليلة

بسم لله على بركة لله

طبعا العراضة وجدت ليها قبل أسبوع تقريبا

عملت الحليوة والشوكولا غلفتهم مزيان واحتفضت بيهم

المالح عملت بلميي مالح وشنيك صغير وبيتزا مربعة بالعجين المورق طيبتهم وخليتهم فالمجمد

أما الكريب معمر بالكفتة والشعرية الصينية وجدتو وخليتو فالمجمد ونهار لي احتجتو عاد قليتو باش كيبقى مقرمش

قبل يوم من العراضة وجدت الجابادور لي غادي نلبس هو فلضة وشوميز بلديين خفافين ما كيعيقوش الحركة ديتهم يتحددو فالمصبنة ووجدت لكسسوار لي غادي نلبس معاهم

وطبعا عملت بروشي لشعري حيت نهار العراضة معنديش الوقت نهائيا

منبعد وجدت الكيسان لي غادي نحتاج للعصير والمونادا وأتاي والماء وكيسان الديسير

الفورشيطات والمعيلقات السربطات ط¯ظٹط§ظ„ الكاغيط لويتهم كيف واضح ووجدت المناديل المبللة والمعطرة

الحلوة عملتها فالطباسل والشوكولا والفقاص المهم وجدت كلشي على بكري باش يبقى ليا الوقت للطبخ والمويعنات ههههههههه

فالليل طيبت الخضرة د السلطة قشرتها وقطعتها وحيدت عليا المويعنات ديالها

يوم العراضة كملت على السلطة ووجدت الباييلا

قبل ما جاو الضياف كنت لابسة ومكملة كلشي

قدمت فالأول السلطة وبعدها الباييلا مع مونادا

والديسير لي وجدوه أسامة وإيمان فلان مع سلطة الفواكه

ومنبعد طارطة مثلجة

منبعد بوقت قدمت أتاي والباقي لي فالصور

الضياف جابو معاهم بزاف ط¯ظٹط§ظ„ الشهيوات لي للأسف مكنش عندي الوقت نصورهم

أنا حطيت الصور بالتتابع كيف قدمتهم

كنتمنى العراضة تنال إعجابكن

مقادير السلطة : فالحقيقة أنا كنعمل عيني ميزاني وغادي نقول ليكم ان شاء لله كل حاجة شنو كنعمل معها

سلطة المكرونة : المكرونة ملونة مصلوقة ضفت عليها علبة ط¯ظٹط§ظ„ التون ومليحة والمايونيز وشوية د الذرة وشوية د فلفل أحمر مشوي ومقطع صغير

سلطة الباربة : باربة مصلوقة ومحكوكة فالحكاكة الغليضة
قطعت معها شوية د المعدنوس رقيق ومليحة وم ص سكر وشوية د الزيت وشوية د الخل

سلطة الفلفل : الفلفل أخضر وأحمر وأصفر مشوي ومقشر ودائما كيكون الأخضر أكثر من الألوان لخرين كنضيف عليها 1 مطيشة مقطعة مكعبات وبصلة مشلضة وزيت بلدية وشوية د الخل وملح و إبزار

سلطة الجزر : جزر مصلوق مقطع كنشحر بصلة صغيرة وشوية المعدنوس مع الزيت بلدية والخل وشوية د صويا صوص إدا مكنتش مكنعملهاش وشوية د ليبزار والملح كيتشحرو غير شوية ونخلطهم مع السلطة ونخليها تبرد مزيان

سلطة البطاطس : البطاطا مسلوقة والبيض مسلوق مقطعين+ شوية د المعدنوس مقطع رقيق مايونيز والتون ممكن تضيفي حتى الذرة وطبعا الملح

سلطة الكرنب : الكرنب مقطع رقيق كنعمل مقلة فيها شوية د الزيت بلدية ونزل عليها الكرنب ونعمل ليه المليحة ونغطيه على نار مهيييييييلة منين يبدى يدبال ضفت عليه م ك د العسل وشوية ليبزار والزبيب وكنخليه يطيب ومرة مرة نحرك وندوق واش هو هداك من الحلاوة لبقى خصو شوية د العسل نضيفها ليه منين يطيب خليتو يبرد

سلطة اللوبيا الخضرا : اللوبيا مصلوقة زدت عليها مليحة شوية د الزيت والخل ولبزار غير شوية ماشي بزاف

سلطة الأناناس : كنوجدها هي الأخيرة حتى نكون غادي نوجد الطبق قطعت الأناناس على زوج فرغتها وقطعت لي فرغتو منها وقطعت تفاحة كبيرة وخلطت معاهم دانون فاني مكنعملش ليهم السكر غير هكاك ونعمر بيهم الأناناس

سلطة الروز : روز مصلوق كنغسلو شوية بالما بعد ما يطيب ونخليه يقطر مزيـــــــــان ضفت عليه الكروفيت لي شحرتها فشوية زيت بلدية والكلمار مصلوق وغالبا فالشلايض د الروز كنعمل الرجيلات د الكلمار والجنيحات وكنخلط كلشي مع الملح والمايونيز ويفضل تتوجد السلطة د الروز هي الأولى باش الكلمار والكروفيت كيطلو ريحتهم مزيان ونراعي دائما الحاجة لي فيها الكروفيت منكترش ليها الملح حيت هو مالح حتى للأخير عاد ندوق لكانت ناقصة الملح نزيد شوية

التزيين والتقديم كيبقى حسب الذوق انا زينت بالبيض مصلوق والكروفيت بقشورو صلقتو شوية فالما والخيار مقطع دوائر

كنتمنى منكون نسيت والو

مقاديروطريقة الباييلا : طبعا هاذي بييلا كبيرة والمقادير كتبقى عينك ميزانك لكن كل ماكان الحوت أكتر كتكون أفضل بكثير
800 غ كلمار طيبتو فالماء المملح + 1 كيلو كروفيت مقشر وشوية بالقشور + 250 غ almejas المحار
mejillones غ 500 (بوزروك ) ضرس ونص كبير ط¯ظٹط§ظ„ الثوم + 1 ونص فلفلة حمرا كبيرة + 1 ونص فلفلة خضرا + 1 ماطيشة كبيرة حمرا + شوية د الجلبانة + 3 زعفران + م ك كامون + م ك عامرة تحميرة +
شووووية د لبزار + الزيت بلدية تقريبا كاس + زلافة وربع د الروز
كنحمر الفلفل شوية غير يدبال نضيف الثوم ونخليها شوية ونضيف مطيشة والعطرية والملح حتى تدبال مطيشة ونضيف الكروفيت والكلمار والجلبانة نخليهم يطيبو وحد الشوية ونضيف الروز ونزوق بالكروفيت لي بقشورو و بالمحار وبوزروك بعد ما عملتهم في مقلة فيها شوية د الما طايب وخليتهم يغليو باش يتفتحو والماء لي طيبت فيه الكلمار وفتحت بيه المحار كنمرق بيهم نخليها تطيب حتى يطيب الروز وبالصحة والراحة

ديسير بالفلان وسلطة الفواكه وجدت فلان بالطريقة العادية وخليتو حتى برد مزيان وجمد وضفت عليه سلطة الفواكه المكونة من فريز + كيوي + إجاص + تفاح + بنان + برتقال + تمر + سكر حسب الذوق + شوية د العصير وزينتهم بشوية د الشونتيي

طارطة مثلجة tarta helada
1 ليتر كريم فريش holala هي لي كنستعمل دائما مكتحتاجشي تزيد لها السكر + 1 حليب مركز ومحلى + 200 غ لوز مهرمش + كاس د السكر + 1 شكلاط باللوز أو أي شكلاط كتفضلوه تقريبا وحد 200 غ + 2 م ك نسكافيه مدوبة في م ص حليب

الطريقة : كنعمل السكر يتحرق حتى يولي كراميل ونضيف عليه كاس من الكريم فريش نخليه شوية يغلي ونحتافض بيه يبرد

طلعت الكريم فريش مزيان وضفت عليه الحليب المركز وعاود ضربتهم حتى تخلطو مزيان قسمت الخليط على زوج

النصف ضفت ليه النسكافيه وخلطت مزيان والنصف الثاني ضفت عليه الشكلاط لي هرمشتو حتى هو

عملت الطبقة الأولى فالمول لي كيتحل من الجناب ورشيت عليها نصف اللوز مهرمش وكبيت عليه الكراميل لي خصو يكون بارد

وزدت الطبقة التانية لي خلطت معها الشكلاط والطبقة الأخيرة باللوز والكراميل ط¨ط­ط§ظ„ لي عملت فالأول وزينت بكريم فريش وشوية د الشكلاط محكوك

خصها تبقى فالمجمد على الأقل 12 ساعة وتتجبد بوحد ربع ساعة قبل التقديم

بالصحة والراحة

مقادير السابلي : 1 كاس سكر + 1 كاس زيت + 1 بيضة + 250 غ زبدة ( أنا عملت مكدور ) + 1 دانون ليمون + 1 خميرة حمرا + 2 م ك نافع أو حبة حلاوة + قشور زوج برتقالات محكوكين + 2 م ك نسكافيه + الدقيق حسب الخليط
الطريقة : كنخدم مزيان السكر والزبدة والبيضة حتى يدوب السكر ونضيف الزيت ودانون ونضيف الدقيق حتى تجمع العجينة قسمتها على 3 وزدت على واحد النافع والتاني البرتقال والتالت النيسكافيه وشكلتهوم كيف شفتو
إن شاء لله في دورة ط§ظ„ط­ظ„ظˆظٹط§طھ نزل الموضوع بالتفصيل بإذن لله

مقادير الفقاص : 1 كاس لوز مرطب في الماء ليلة كاملة + 3 بيضات + 1 كاس د الزيت + كاس سكر + 7 غ

خميرة ط§ظ„ط­ظ„ظˆظٹط§طھ + شوية حبة حلاوة والنافع والزنجلان مطحونين + شوية د الزبيب

الطريقة العادية كتجمع كلشي وتعمل قطبان من العجينة تخليها ترتاح شوية وتدهنيها بأصفر البيض وتشرطها بالشوكة
وتدخليه يطيب
خليه يبرد مزيـــــان وقطعيه ورديه يتحمر على نار مهيييييييييييلة باش يتقرمش اللوز

وبالصحة والراحة

ملاحظة : هاد الوصفة ط¯ظٹط§ظ„ الأخت رزينة لله يجازيها خيرات الدارين غير أنا عملت نصف المقادير وضفت الزبيب

بيتزات صغار بالعجين المورق

حكيت بصلة وشحرتها وضفت عليها الكفتة فرتتها مزيان حتى طابت وزدت عليها ماطيشة محكوكة وابزار وسكنجبير وملح وصلصة الطماطم خليتها حتى تشحرت مزيااان وقطعت مربعات وعملت وسطهم مربهات بالموس بلا ماوصلت لتحت ثقبت الوسط مزيان وعمرتو بالحشوة والجبن محكوك وشوية د الزعتر ودهنت الجوانب بأصفر البيض وطيبتهوم

الشنيك صغير كنت نزلتو في دورة المعجنات غير نلقاه نزل الرابط إن شاء لله

طريقة الكريب هنا

أنا هنا عمرتو بالكفتة مشحرة مع بصيلة وشوية د الثوم والعطرية لي كتفضلي وخلطت كلشي مع الشعرية الصينية

بالميي بالزيتون هنا في المشاركة رقم 25

غير أنا معملتش الموطارد والزيتون أسود عملت مورتاديلا والزيتون أخضر
اللهم أدمها نعمة واحفظها من الزوال